ഇത് രണ്ടാം ജന്മം ! ഓടിത്തുടങ്ങിയ തീവണ്ടിയില്‍ കയറുന്നതിനിടെ വീണ യാത്രക്കാരനെ രക്ഷിച്ച് ആര്‍പിഎഫ് ഉദ്യോഗസ്ഥന്‍; വീഡിയോ വൈറല്‍

പനാജി: ഓടിത്തുടങ്ങിയ തീവണ്ടിയിലേക്ക് കയറുന്നതിനിടെ താഴേക്ക് വീണ യാത്രക്കാരനെ ആര്‍പിഎഫ് ഉദ്യോഗസ്ഥന്‍ അവസരോചിതമായി രക്ഷിക്കുന്നതിന്റെ ദൃശ്യങ്ങള്‍ വൈറലാകുന്നു. ഗോവയിലെ വാസ്‌കോഡഗാമ റെയില്‍വേ സ്‌റ്റേഷനിലാണ് സംഭവം നടന്നത്.

Life saving act by RPF personnel at Vasco station in SWR!



At Vasco station,a passenger tried to board the moving train 02741 Vasco-Patna express &slipped into the gap between Platform and train



Passengers are requested not to board/deboard a moving train. It may risk your life. pic.twitter.com/zkIva0rAkJ

— Ministry of Railways (@RailMinIndia) March 11, 2021

സ്‌റ്റേഷനില്‍നിന്ന് നീങ്ങിത്തുടങ്ങിയ വാസ്‌കോ-പട്‌ന എക്‌സ്പ്രസിലേക്ക് ഓടിക്കയറാന്‍ ശ്രമിക്കുമ്പോഴാണ് യാത്രക്കാരന്‍ ബാലന്‍സ് തെറ്റി വീണത്. ഇതു കണ്ട റെയില്‍വേ പ്രൊട്ടക്ഷന്‍ ഫോഴ്‌സ് ഉദ്യോഗസ്ഥന്‍ കെ.എം. പാട്ടീല്‍ ഓടിയെത്തുകയും യാത്രക്കാരനെ പുറത്തേക്ക് വലിച്ചിടുകയായിരുന്നു. പാട്ടീല്‍ ഒരു നിമിഷമെങ്കിലും വൈകിയിരുന്നെങ്കില്‍ യാത്രക്കാരന് ഗുരുതരമായി പരിക്കേല്‍ക്കാന്‍ സാധ്യതയുണ്ടായിരുന്നു.