കോവിഡ് ; ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കറെ ആശുപത്രിയില്‍ പ്രവേശിപ്പിച്ചു

സ്പോര്‍ട്സ് ഡസ്ക്
Friday, April 2, 2021

കോവിഡ് ബാധിതനായ ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കറെ ആശുപത്രിയില്‍ പ്രവേശിപ്പിച്ചു. കോവിഡ് സ്ഥിരീകരിച്ച് ഒരാഴ്ചയ്ക്കു ശേഷമാണ് ഡോക്ടര്‍മാരുടെ നിര്‍ദ്ദേശപ്രകാരം വിദഗ്ധ ചികിത്സയ്ക്കായി സച്ചിനെ ആശുപത്രിയില്‍ പ്രവേശിപ്പിച്ചത്.

ലോക കപ്പ് വിജയത്തിന്റെ പത്താം വാര്‍ഷികത്തിന്റെ ആശംസകള്‍ നേര്‍ന്ന പങ്കുവച്ച് ട്വീറ്റിലാണ്ആശുപത്രിയില്‍ ചികില്‍സയിലായ വിവരവും സച്ചിന്‍ പങ്കുവെച്ചത്.

‘നിങ്ങളുടെ പ്രാര്‍ഥനകള്‍ക്കും ആശംസകള്‍ക്കും നന്ദി. മുന്‍കരുതല്‍ എടുക്കണമെന്ന ആരോഗ്യപ്രവര്‍ത്തകരുടെ നിര്‍ദേശത്തെ പാലിച്ച് ഞാന്‍ ആശുപത്രിയില്‍ ചികില്‍സയിലാണ്. കുറച്ചു ദിവസത്തിനുള്ളില്‍ വീട്ടിലേക്ക് മടങ്ങാനാകുമെന്നാണ് പ്രതീക്ഷ. എല്ലാവരും സുരക്ഷിതരായി ഇരിക്കുക. ഇന്ത്യയുടെ ലോകകപ്പ് വിജയത്തിന്റെ പത്താം വാര്‍ഷികം ആഘോഷിക്കുന്ന എല്ലാ ഇന്ത്യാക്കാര്‍ക്കും ടീമംഗങ്ങള്‍ക്കും എന്റെ ആശംസകള്‍’ സച്ചിന്‍ ട്വിറ്ററില്‍ കുറിച്ചു.

മാര്‍ച്ച് 27നാണ് തനിക്ക് കോവിഡ് പിടിപെട്ട കാര്യം സച്ചിന്‍ അറിയിച്ചത്. ചെറിയ ലക്ഷണങ്ങള്‍ മാത്രമാണ് തനിക്കുള്ളതെന്നും, വീട്ടില്‍ ക്വാറന്റൈനില്‍ കഴിയുകയാണെന്നുമാണ് സച്ചിന്‍ അന്ന് പറഞ്ഞത്. ഇന്നാണ് വീട്ടില്‍ ക്വാറന്റീനിലായിരുന്ന സച്ചിനെ ആശുപത്രിയിലേക്ക് മാറ്റിയത്.

×