കപ്പൽ ജീവനക്കാരുടെ സംഘടനയായ സെയ്‌ലേഴ്‌സ്‌ ക്ലബ്‌ കോവിഡ് ഡ്യൂട്ടി ചെയ്യുന്ന പോലീസ് ഉദ്യോഗസ്ഥർക്ക് തണലേകാൻ പന്തൽ ഒരുക്കി

കാഞ്ഞങ്ങാട്: കപ്പൽ ജീവനക്കാരുടെ സംഘടനയായ സെയ്‌ലേഴ്‌സ്‌ ക്ലബ്‌, കാഞ്ഞങ്ങാട് കോവിഡ് ഡ്യൂട്ടി ചെയ്യുന്ന പോലീസ് ഉദ്യോഗസ്ഥർക്ക് തണലേകാൻ കോട്ടച്ചേരി ട്രാഫിക് സർക്കിളിനു സമീപം പന്തൽ ഒരുക്കികൊടുത്തു.

കൂടാതെ പോലീസ് ഉദ്യോഗസ്ഥർക്ക് ഉപയോഗിക്കാൻ സാനിറ്റൈസറും, മാസ്ക്കും ഡി.വൈ.എസ്.പി സജേഷ്. വി.എക്ക് കൈമാറി.

ചടങ്ങിൽ സെയ്‌ലേഴ്‌സ്‌ ക്ലബ്‌ രക്ഷാധികാരി സജിത്ത്.വി, പ്രസിഡന്റ്‌ അശോകൻ. കെ.വി, സെക്രട്ടറി പ്രസന്നകുമാർ, ക്ലബ്‌ ജോയിന്റ് സെക്രട്ടറിമാരായ മധു നാരായണൻ, ജയചന്ദ്രൻ കല്ലുരാവി, വൈസ് പ്രസിഡന്റ്‌ സജിത്ത് സൗത്ത് എന്നിവർ പങ്കെടുത്തു.