കിരീടനേട്ടത്തിനു പിന്നാലെ ഇന്ത്യന്‍ ടീമിനെയും ക്യാപ്റ്റന്‍ രോഹിത് ശര്‍മയെയും അഭിനന്ദിച്ച് കോണ്‍ഗ്രസ് നേതാവ് ഷമ മുഹമ്മദ്

കൊച്ചി: ഐസിസി ചാമ്പ്യന്‍സ് ട്രോഫി കിരീടം സ്വന്തമാക്കിയതിന് പിന്നാലെ ഇന്ത്യന്‍ ടീമിനെയും ക്യാപ്റ്റന്‍ രോഹിത് ശര്‍മയെയും അഭിനന്ദിച്ച് കോണ്‍ഗ്രസ് നേതാവ് ഷമ മുഹമ്മദ്.

സോഷ്യൽ മീഡിയയിലൂടെ  76 റണ്‍സ് നേടിയ രോഹിത്തിന്റെ ഇന്നിംഗ്‌സിനെ പ്രകീര്‍ത്തിച്ചുകൊണ്ടാണ് ഷമയുടെ പോസ്റ്റ്.

ചാമ്പ്യന്‍സ് ട്രോഫി വിജയത്തിലെ അതിഗംഭീര പ്രകടനത്തില്‍ ടീം ഇന്ത്യയെ അഭിനന്ദിക്കുന്നു. 76 റണ്‍സ് നേടി മുന്നില്‍ നിന്ന് നയിച്ച ക്യാപ്റ്റന്‍ രോഹിത് ശര്‍മയേയും അഭിനന്ദിക്കുന്നു. 

View this post on Instagram

A post shared by Shama Mohamed (@dr.shamamohamed)

ശ്രേയസ് അയ്യരും കെ.എല്‍ രാഹുലും ഇന്ത്യയുടെ വിജയത്തില്‍ നിര്‍ണായക പ്രകടനം കാഴ്ച വച്ചു – ഷമ കുറിച്ചു.

രോഹിത് കായിക താരത്തിന് ചേരാത്ത തരത്തില്‍ തടിയനാണെന്നും ഇന്ത്യ കണ്ട മോശം ക്യാപ്റ്റന്മാരില്‍ ഒരാള്‍ ആണെന്നും വിമർശിച്ച് ഷമ നേരത്തെ രം​ഗത്തെത്തിയത് വിവാദമായിരുന്നു.

രോഹിത് ശര്‍മ ശരീരഭാരം കുറയ്‌ക്കേണ്ടതുണ്ടെന്നും എക്‌സ് പോസ്റ്റില്‍ ഷമ പറഞ്ഞു. പോസ്റ്റ് വിവാദമായതിനു പിന്നാലെ കോണ്‍ഗ്രസ് ദേശീയ നേതൃത്വം ഇടപെട്ടതിനെ തുടർന്ന് ഷമ അന്ന് പങ്കുവച്ച കുറിപ്പ് പിന്‍വലിക്കേണ്ടി വന്നിരുന്നു.