പരിക്കേറ്റ് വിശ്രമത്തിലായിരുന്ന ഹര്‍ദിക് പാണ്ഡ്യ വീണ്ടും മടങ്ങിയെത്തുന്നു; സയ്യിദ് മുഷ്താഖ് അലി ട്രോഫിയിൽ ബറോഡയ്ക്കായി ടി20 കളിക്കും

മുംബൈ: പരിക്കേറ്റ് വിശ്രമത്തിലായിരുന്ന ഹര്‍ദിക് പാണ്ഡ്യ വീണ്ടും മടങ്ങിയെത്തുന്നു. താരം സയ്യിദ് മുഷ്താഖ് അലി ട്രോഫി ടി20 പോരാട്ടം കളിക്കും. ബറോഡയ്ക്കായാണ് ഹര്‍ദിക് ഇറങ്ങുന്നത്.

നാളെ ഗുജാറത്തിനെതിരായ പോരാട്ടത്തില്‍ ഓള്‍റൗണ്ടര്‍ കളിക്കും. ഈ മാസം നാലിന് പഞ്ചാബിനെതിരായ മത്സരത്തിലും കളിക്കും.

സ്‌പെറ്റംബറില്‍ ഏഷ്യാ കപ്പ് പോരാട്ടത്തിനിടെയാണ് ഹര്‍ദികിനു പരിക്കേറ്റത്. ഓസ്‌ട്രേലിയ, ദക്ഷിണാഫ്രിക്ക ടീമുകള്‍ക്കെതിരായ പോരാട്ടങ്ങള്‍ക്കുള്ള ടീമുകളില്‍ താരം ഉള്‍പ്പെട്ടിരുന്നില്ല. ഇടത് തുടയ്‌ക്കേറ്റ പരിക്കാണ് വില്ലനായത്.

വരുന്ന ടി20 ലോകകപ്പ് മുന്നില്‍ കണ്ടുള്ള തിരിച്ചുവരവാണ് താരം മുന്നില്‍ കാണുന്നത്. ആഭ്യന്തര ക്രിക്കറ്റില്‍ തിളങ്ങി ടി20 ടീമില്‍ സ്ഥാനമുറപ്പിക്കുകയാണ് ഹര്‍ദികിന്റെ മുന്നിലുള്ള വെല്ലുവിളി.