കെയ്ൻ വില്യംസൺ അച്ഛനായി; മകളെ വരവേറ്റ് കിവീസ് നായകൻ

ന്യൂസിലൻഡ് നായകൻ കെയ്ൻ വില്യംസൺ-സാറ ദമ്പതികൾ മൂന്നാമത്തെ കൺമണിയെ വരവേറ്റു. മകൾ ജനിച്ച വിവരം ഇൻസ്റ്റ​ഗ്രാമിലൂടെയാണ് താരം അറിയിച്ചത്. ഒരു മനോഹര ചിത്രത്തിനൊപ്പം ഹൃ​​ദയഹാരിയായ കുറിപ്പും കിവീസ് നായകൻ പങ്കുവച്ചിട്ടുണ്ട്. ഡേവിഡ് വാർണർ അടക്കമുള്ളവർ ആശംസകൾ അറിയിച്ചിട്ടുണ്ട്. ഇന്ത്യയിൽ അടക്കം ഏറെ ആരാധകരുള്ള താരമാണ് കെയ്ൻ വില്യംസൺ. ​ഐപിഎല്ലിൽ നിലവിൽ ​ഗുജറാത്ത് ടൈറ്റൻസിന്റെ താരമാണ് അദ്ദേഹം.

2019ലാണ് താരത്തിന് ആദ്യ കുഞ്ഞ് ജനിക്കുന്നത്. മാ​ഗി എന്ന അവളുടെ പേര്. 2022 മേയിൽ മകനും ജനിച്ചു. വില്യംസണിന്റെ ഭാര്യ സാറ റഹീം ബ്രിസ്റ്റോളിൽ നിന്നുള്ള നഴ്സാണ്. 2015ലെ ഒരു ആശുപത്രി വാസത്തിനിടെയാണ് ഇരുവരും കണ്ടുമുട്ടുന്നത്. ​ഗ്ലാമർ ലൈഫിൽ നിന്ന് വഴിമാറി സഞ്ചരിക്കുന്നയാളാണ് സാറ.പൊതുവേദികളിൽ അവരെ വില്യംസണിനൊപ്പം അധികം കാണാറില്ല.