തമിഴ്‌നാട്ടില്‍ ആശങ്ക കനക്കുന്നു; ഇന്ന് കൊവിഡ് സ്ഥിരീകരിച്ചത് 106 പേര്‍ക്ക്, 11 ഡോക്ടര്‍മാര്‍ക്കും അഞ്ച് നേഴ്‌സുമാര്‍ക്കും രോഗം ബാധിച്ചതായി റിപ്പോര്‍ട്ടുകള്‍

ചെന്നൈ: തമിഴ്‌നാട്ടിലെ കൊവിഡ് ബാധിതരുടെ എണ്ണം ആയിരം കവിഞ്ഞു. ഇന്ന് പുതുതായി 106 പേര്‍ക്ക് രോഗം സ്ഥിരീകരിച്ചു. ഇതോടെ തമിഴ്‌നാട്ടിലെ കൊവിഡ് ബാധിതരുടെ എണ്ണം 1075 ആയി. സം​സ്ഥാ​ന​ത്ത് ഇതുവരെ 11 പേരാണ് വൈ​റ​സ് കൊവിഡ് വൈറസ് ബാധ മൂലം മരമടഞ്ഞത്.

അ​ഞ്ച് സ​ർ​ക്കാ​ർ ഡോ​ക്ട​ർ​മാ​ർ​ക്കും, ര​ണ്ട് റെ​യി​ൽ​വേ ഡോ​ക്ട​ർ​മാ​ർ​ക്കും, സ്വ​കാ​ര്യ ആ​ശു​പ​ത്രി​ക​ളി​ലെ നാ​ല് ഡോ​ക്ട​ർ​മാ​ർ​ക്കും, അ​ഞ്ച് ന​ഴ്സു​മാ​ർ​ക്കും കൊവിഡ് രോഗം ബാ​ധി​ച്ചി​ട്ടു​ണ്ടെ​ന്നാ​ണ്പുറത്തുവരുന്ന റിപ്പോർട്ടുകൾ.

ചെന്നൈയില്‍ മാത്രം 199 കൊവിഡ് രോഗികളുണ്ട്. ചെന്നൈ സ്വദേശിയായ 45 വയസുള്ള സ്ത്രീയാണ് ഇന്ന് മരണപ്പെട്ടത്. ഇന്ന് രോഗം സ്ഥിരീകരിച്ചവരില്‍ 90 പേര്‍ക്കും ഒരേ ഉറവിടത്തില്‍ നിന്നാണ് രോഗം പടര്‍ന്നതെന്ന് തമിഴ്‌നാട് ആരോഗ്യ വകുപ്പ് സെക്രട്ടറി ബീല രാജേഷ് പറഞ്ഞു.