തിരുവനന്തപുരം: സംരംഭങ്ങള്‍ക്ക് ഉപഭോക്താക്കളുമായി ഇടപെടുന്നത് മെച്ചപ്പെടുത്തുന്നതിനായി രൂപകല്‍പ്പന ചെയ്ത 'ബിസിനസ് നെയിം ഡിസ്‌പ്ലേ' (ബിഎന്‍ഡി) എയര്‍ടെല്‍ അവതരിപ്പിച്ചു. ഒരു ടെലികോം കമ്പനി ഇത്തരമൊരു സേവനം അവതരിപ്പിക്കുന്നത് ഇതാദ്യമായിട്ടാണ്.
ഔട്ട്‌ഗോയിംഗ് കോളുകളില്‍ സ്വീകര്‍ത്താവിന്റെ മൊബൈല്‍ സ്‌ക്രീനില്‍ അവരുടെ ബ്രാന്‍ഡ് നാമം പ്രദര്‍ശിപ്പിക്കാന്‍ സഹായകമാകുന്ന ഈ സേവനം വിശ്വാസം വളര്‍ത്തുകയും നിയമാനുസൃതമായ ബിസിനസ്സ് കോളുകളെ സ്പാമില്‍ നിന്ന് വേര്‍തിരിച്ചറിയാന്‍ ഉപഭോക്താക്കളെ സഹായിക്കുകയും ചെയ്യുന്നു.
''എല്ലാവര്‍ക്കും മികച്ചതും സുരക്ഷിതവും കൂടുതല്‍ സുതാര്യവുമായ കമ്യൂണിക്കേഷന്‍ എക്‌സ്പീരിയന്‍സ് സൃഷ്ടിക്കുന്നതിനായി എയര്‍ടെല്ലില്‍ ഞങ്ങള്‍ നിരന്തരം നവീകരണം നടത്തുന്നു.'ബിസിനസ് നെയിം ഡിസ്‌പ്ലേ' ഉപയോഗിച്ച്, ബിസിനസുകളിലുള്ള വിശ്വാസം സ്ഥാപിക്കാനും ഓരോ കോളിലും വേറിട്ടുനില്‍ക്കാനും ഞങ്ങള്‍ സഹായിക്കും, അതേസമയം ഉപഭോക്താക്കള്‍ക്ക് ആരാണ് അവരെ സമീപിക്കുന്നതെന്ന് അറിയാനുള്ള ആത്മവിശ്വാസം നല്‍കും.
ഇത് ആശയവിനിമയം കൂടുതല്‍ വ്യക്തിപരവും സുരക്ഷിതവും ഇരുപക്ഷത്തിനും തടസ്സമില്ലാത്തതുമാക്കി മാറ്റുന്നതിന്റെ ആവശ്യകതയാണ്''. എയര്‍ടെല്‍ ബിസിനസ് ഡയറക്ടറും സി ഇ ഒ-യുമായ ശരത് സിന്‍ഹ പറഞ്ഞു.
ബാങ്കിംഗ്, റീട്ടെയില്‍, ഫുഡ് ഡെലിവറി, മൊബിലിറ്റി, ക്വിക്ക് കൊമേഴ്‌സ്, കൊറിയര്‍, ലോജിസ്റ്റിക്‌സ് എന്നിവയുള്‍പ്പെടെ 250ലധികം ബിസിനസുകളില്‍ ഇത് വിജയകരമായി പരീക്ഷിച്ചു. കഴിഞ്ഞ 30 ദിവസത്തിനുള്ളില്‍ 12.8 ദശലക്ഷം കോളുകള്‍ ചെയ്യാന്‍ ഈ ബിസിനസുകള്‍ 1.5 ദശലക്ഷത്തില്‍ അധികം ഫോണ്‍ നമ്പറുകള്‍ ഉപയോഗിച്ചു.
Follow Us/sathyam/media/post_banners/ptrXuRwyXEgzX1TO3fWr.jpg)
/sathyam/media/agency_attachments/5VspLzgrB7PML1PH6Ix6.png)
