മൊബൈല്‍ ആപ്പില്‍ ഫിക്സഡ് ഡെപ്പോസിറ്റ് ആരംഭിക്കുന്നത് കൂടുതല്‍ ലളിതമാക്കി ആക്സിസ് ബാങ്ക്

കൊച്ചി:  ആക്സിസ്  ബാങ്കിനു പുറത്തുള്ള അക്കൗണ്ടുകളിലെ പണം ഉപയോഗിച്ച് സ്ഥിര നിക്ഷേപങ്ങള്‍ ആരംഭിക്കാനാവുന്നത് അടക്കമുളള സൗകര്യങ്ങളുമായി ആക്സിസ് ബാങ്ക് സ്ഥിര നിക്ഷേപം ആരംഭിക്കുന്ന പ്രക്രിയ കൂടുതല്‍ ലളിതമാക്കി.  

രാജ്യത്തെ ഏറ്റവും വലിയ സ്വകാര്യ മേഖലാ ബാങ്കുകളില്‍ ഒന്നായ ആക്സിസ് ബാങ്ക് തങ്ങളുടെ മൊബൈല്‍ ബാങ്കിങ് ആപ്പിലാണ് യുപിഐ, നെറ്റ് ബാങ്കിങ് എന്നിവയിലൂടെ പണമടച്ച് മറ്റു ബാങ്ക് അക്കൗണ്ടുകളിലെ പണം ഉപയോഗിച്ച് സ്ഥിര നിക്ഷേപം ആരംഭിക്കാന്‍ അവസരമൊരുക്കുന്നത്. 

അക്കൗണ്ട് അഗ്രഗേറ്റര്‍ സംവിധാനം പ്രയോജനപ്പെടുത്തിയുള്ള ഈ പുതുതലമുറ സംവിധാനം അവതരിപ്പിക്കുന്ന ആദ്യ സ്വകാര്യ മേഖലാ ബാങ്കാണ് ആക്സിസ് ബാങ്ക്. ആക്സിസ് ബാങ്ക് ഓപ്പണ്‍ ബാങ്കിങിന്‍റെ ശക്തിയില്‍ വിശ്വസിക്കുന്നതായി ഇതേക്കുറിച്ചു സംസാരിക്കവെ ആക്സിസ് ബാങ്ക് ഡിജിറ്റല്‍ ബിസിനസ് ആന്‍റ് ട്രാന്‍സ്ഫോര്‍മേഷന്‍  വിഭാഗം മേധാവിയും പ്രസിഡന്‍റുമായ സമീര്‍ ഷെട്ടി പറഞ്ഞു.

 ബുദ്ധിമുട്ടുകളില്ലാത്ത ബാങ്കിങ് സേവനങ്ങളാണ് ഇതിലൂടെ ഉപഭോക്താക്കള്‍ക്കു ലഭ്യമാകുക. സ്ഥിര നിക്ഷേപം ആരംഭിക്കുന്നതിനു മുന്‍പ് ഒരു അക്കൗണ്ടില്‍ നിന്നു മറ്റൊരു അക്കൗണ്ടിലേക്കു പണം മാറ്റേണ്ട ആവശ്യവും ഇതിലൂടെ ഇല്ലാതാകുമെന്ന് അദ്ദേഹം ചൂണ്ടിക്കാട്ടി.