കണ്ണഞ്ചിപ്പിക്കുന്ന ഫീച്ചറുകൾ; റെഡ്മി നോട്ട് 15 പ്രോ സീരീസ് ഇന്ത്യയിൽ വിൽപ്പന ആരംഭിച്ചു

ഷവോമിയുടെ ഉപബ്രാൻഡായ റെഡ്മി കഴിഞ്ഞ മാസം പുറത്തിറക്കിയ ഏറ്റവും പുതിയ സ്മാർട്ട്ഫോണുകളായ റെഡ്മി നോട്ട് 15 പ്രോ 5ജി (Redmi Note 15 Pro 5G), റെഡ്മി നോട്ട് 15 പ്രോ പ്ലസ് 5ജി (Redmi Note 15 Pro+ 5G) എന്നിവയുടെ ഇന്ത്യയിലെ വിൽപ്പന ആരംഭിച്ചു. ആമസോൺ, ഷവോമി ഓൺലൈൻ സ്റ്റോർ, മറ്റ് പ്രമുഖ ഓഫ്‌ലൈൻ റീട്ടെയിൽ കടകൾ എന്നിവ വഴി ഇപ്പോൾ ഈ ഫോണുകൾ സ്വന്തമാക്കാം.

റെഡ്മി നോട്ട് 15 പ്രോ 5ജിയ്ക്ക് 8GB+128GB മോഡലിന് 29,999 രൂപ മുതലാണ് വില ആരംഭിക്കുന്നത്. 8GB+256GB വേരിയന്റിന് 31,999 രൂപ നൽകണം. കാർബൺ ബ്ലാക്ക്, മിറേജ് ബ്ലൂ, സിൽവർ ആഷ് എന്നീ നിറങ്ങളിൽ ഈ ഫോൺ ലഭ്യമാണ്.

റെഡ്മി നോട്ട് 15 പ്രോ പ്ലസ് 5ജിയ്ക്ക് ഇതിന്റെ 8GB+256GB ബേസ് മോഡലിന് 37,999 രൂപയാണ് വില. 12GB+256GB മോഡലിന് 39,999 രൂപയും, ഏറ്റവും ഉയർന്ന 12GB+512GB പതിപ്പിന് 43,999 രൂപയുമാണ് വില. കാർബൺ ബ്ലാക്ക്, കോഫി മോക്ക, മിറേജ് ബ്ലൂ എന്നീ നിറങ്ങളിൽ ഇത് ലഭിക്കും.