തിരുവനന്തപുരം: ആധുനിക വെബ്സൈറ്റുകള്‍, മൊബൈല്‍ ആപ്പുകള്‍, ആര്‍ട്ടിഫിഷ്യല്‍ ഇന്‍റലിജന്‍സ്, ഇന്‍റര്‍നെറ്റ് ഓഫ് തിംഗ്‌സ് അടിസ്ഥാനമാക്കിയുള്ള ഡിജിറ്റല്‍ സൊല്യൂഷനുകള്‍ വാഗ്ദാനം ചെയ്യുന്ന പ്രമുഖ ഐടി കമ്പനിയായ ട്രിക്റ്റ ടെക്നോളജീസ് പ്രൈവറ്റ് ലിമിറ്റഡ് ടെക്നോപാര്‍ക്ക് ഫേസ്-1 കാമ്പസിലെ ഗായത്രി കെട്ടിടത്തിലെ റൂഫ് ടോപ് മോഡ്യൂള്‍ നമ്പര്‍ 7 (എ) ല്‍ പുതിയ ഓഫീസ് തുറന്നു.
ചാണ്ടി ഉമ്മന്‍ എംഎല്‍എ ഓഫീസ് ഉദ്ഘാടനം ചെയ്തു. ടെക്നോപാര്‍ക്ക് സിഇഒ കേണല്‍ സഞ്ജീവ് നായര്‍ (റിട്ട.) വിശിഷ്ടാതിഥിയായിരുന്നു.
ടെക്നോപാര്‍ക്ക് അസിസ്റ്റന്‍റ് മാനേജര്‍ (മാര്‍ക്കറ്റിംഗ്) ജോര്‍ജ് ജേക്കബ്, ട്രിക്റ്റ ഡയറക്ടര്‍മാരായ ജോമോന്‍ ജേക്കബ് (സിഇഒ), അനീസ് മുഹമ്മദ് ഷരീഫ് (ഡയറക്ടര്‍-ഓപ്പറേഷന്‍സ്), അരുണ്‍ ജി ടോംസ് (സിഐഒ), ആന്‍റണി വിന്‍സെന്‍റ് (സിഒഒ) എന്നിവര്‍ ചടങ്ങില്‍ പങ്കെടുത്തു.
ഡിജിറ്റല്‍ ലോകവുമായി ബന്ധപ്പെടുന്ന സംരംഭങ്ങള്‍ക്ക് ട്രിക്റ്റ ഒരു വലിയ അനുഭവം ആകുമെന്ന് ചാണ്ടി ഉമ്മന്‍ പറഞ്ഞു. സംസ്ഥാനത്തെ ഐടി രംഗത്തെ വളര്‍ച്ചയ്ക്കും തൊഴിലവസരങ്ങള്‍ക്കും ഈ സ്ഥാപനം സഹായകമാകുമെന്നും എംഎല്‍എ കൂട്ടിച്ചേര്‍ത്തു.
ഇന്ത്യയുടെ പ്രമുഖ ടെക് ഹബായ ടെക്നോപാര്‍ക്കിലെ അടിസ്ഥാന സൗകര്യങ്ങളും വിപുലമായ സ്റ്റാര്‍ട്ടപ്പ് ആവാസവ്യവസ്ഥയും ട്രിക്റ്റയുടെ വളര്‍ച്ചയ്ക്ക് ഗുണകരമാകുമെന്ന് കേണല്‍ സഞ്ജീവ് നായര്‍ (റിട്ട.) അഭിപ്രായപ്പെട്ടു.
ഷാര്‍ജ മീഡിയ സിറ്റിയിലെ ഓഫീസ് വഴി ഗള്‍ഫ് മേഖലയിലെ ഡിജിറ്റല്‍ ആവശ്യങ്ങള്‍ക്ക് ട്രിക്റ്റ സേവനം നല്‍കുന്നുണ്ടെന്ന് ജോമോന്‍ ജേക്കബ് പറഞ്ഞു. 50-ഓളം സ്ഥിര ജീവനക്കാരുള്ള ആഗോള സാങ്കേതിക സംഘമായി മാറുകയാണ് ട്രിക്റ്റയുടെ അടുത്ത ലക്ഷ്യമെന്നും അദ്ദേഹം ചൂണ്ടിക്കാട്ടി.
വെബ് ഡിസൈന്‍, ഡെവലപ്മെന്‍റ് , മൊബൈല്‍ ആപ്പ് ഡെവലപ്മെന്‍റ് , ഇ-കൊമേഴ്സ് സൊല്യൂഷനുകള്‍, എഐ സേവനങ്ങള്‍ (ചാറ്റ്‌ബോട്ട്‌സ്, റെക്കമെന്റേഷന്‍ എന്‍ജിന്‍സ്, പ്രെഡിക്ടിവ് അനലിറ്റിക്‌സ്, എന്‍എല്‍പി), ഇന്‍റനെറ്റ് ഓഫ് തിംഗ്‌സ് സേവനങ്ങള്‍ (സ്മാര്‍ട്ട് ഓട്ടോമേഷന്‍, കണക്ടഡ് ഡിവൈസസ്, സെന്‍സര്‍ ഇന്‍റഗ്രേഷന്‍, റിയല്‍ ടൈം മോണിറ്ററിംഗ് സിസ്റ്റംസ്), ഡിജിറ്റല്‍ ബ്രാന്‍ഡിംഗ്, യുഐ/യുഎക്‌സ് ഡിസൈന്‍, ഹോസ്റ്റിംഗ് തുടങ്ങിയവയാണ് ട്രിക്റ്റയുടെ സേവനങ്ങള്‍.
ട്രിക്റ്റയുടെ അന്താരാഷ്ട്ര ഓഫീസ് യുഎഇയിലെ ഷാര്‍ജ മീഡിയ സിറ്റിയിലാണ്. യുഎസ്, കാനഡ, ഓസ്‌ട്രേലിയ, മിഡില്‍ ഈസ്റ്റ് എന്നിവിടങ്ങളിലാണ് ട്രിക്റ്റയുടെ പ്രധാന ക്ലയന്റുകള്‍.
Follow Us/sathyam/media/post_banners/G1D0WolfXNuJ1XYcPmG7.jpg)
/sathyam/media/agency_attachments/5VspLzgrB7PML1PH6Ix6.png)
