ന്യൂഡല്ഹി: ഡല്ഹി കലാപത്തിലെ ഗൂഡാലോചന കുറ്റം ചുമത്തി തിഹാര് ജയിലില് അടച്ച ജെ.എന്.യു വിദ്യാര്ഥി യൂനിയന് മുന് നേതാവ് ഉമര് ഖാലിദ് കോവിഡ് മുക്തനായി. ഏപ്രില് 24നായിരുന്നു 33കാരനായ ഉമര് ഖാലിദിന് കോവിഡ് സ്ഥിരീകരിച്ചത്. രോഗമുക്തി നേടിയതിനെ തുടര്ന്ന് ഉമറിനെ തടവറയിലേക്ക് മാറ്റി.
കോവിഡ് സ്ഥിരീകരിച്ചതിന് പിന്നാലെ ഉമറിനെ ജയിലിലെ നിരീക്ഷണ കേന്ദ്രത്തില് സമ്ബര്ക്കവിലക്കിലാക്കിയിരുന്നു. മെഡിക്കല് സേവനം ലഭ്യമാക്കിയിരുന്നെന്ന് ജയില് അധികൃതര് പറഞ്ഞു.
ഡല്ഹി കലാപവുമായി ബന്ധപ്പെട്ട ഗൂഡാലോചന കേസിലാണ് ഉമര് ഖാലിദിനെ അറസ്റ്റ് ചെയ്യുന്നത്. ഏപ്രില് 15ന് സെഷന്സ് കോടതി അദ്ദേഹത്തിന് ഒരു കേസില് ജാമ്യം അനുവദിച്ചിരുന്നു. എന്നാല് യു.എ.പി.എ ചുമത്തിയ കേസുകളില് ജാമ്യം ലഭിക്കാത്തതിനാല് പുറത്തിറങ്ങാനായില്ല.