എല്ലുകളുടെ ആരോഗ്യത്തിന് കത്രിക്ക

കത്രിക്കയിലടങ്ങിയിട്ടുള്ള നാരുകള്‍ ദഹനം സുഗമമാക്കുകയും മലബന്ധം ഒഴിവാക്കാന്‍ സഹായിക്കുകയും ചെയ്യും. ഫ്രീ റാഡിക്കലുകളെ ഇല്ലാതാക്കാനും കോശങ്ങളെ ഓക്‌സിഡേറ്റീവ് നാശത്തില്‍ നിന്ന് സംരക്ഷിക്കാനും കത്രിക്ക സഹായിക്കുന്നു. ഇത് കാന്‍സര്‍ പോലുള്ള രോഗങ്ങളെ പ്രതിരോധിക്കാന്‍ സഹായിക്കും.

മാംസപേശികളെയും സന്ധികളെയും പോഷിപ്പിക്കാനും എല്ലുകളുടെ ആരോഗ്യത്തിനും കത്രിക്ക നല്ലതാണ്. കത്രിക്കയില്‍ ജലാംശവും നാരുകളും കൂടുതലായതിനാല്‍ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്ക് ഇത് ഭക്ഷണത്തില്‍ ഉള്‍പ്പെടുത്താം. കത്രിക്കയിലടങ്ങിയിരിക്കുന്ന വിറ്റാമിനുകളും മിനറല്‍സും ചര്‍മ്മം തിളങ്ങാനും ചുളിവുകള്‍ അകറ്റാനും സഹായിക്കും.