തൈഫ്: മക്ക-മദീന ഹൈവേയില് ജിദ്ദക്കും മദീനക്കും ഇടയില് അംന എന്ന സ്ഥലത്ത് വെച്ചുണ്ടായ വാഹനാപകടത്തില് ഒരു കുട്ടിയടക്കം മലയാളി കുടുംബത്തിലെ മൂന്ന് പേര് മരിച്ചു. മലപ്പുറം പറമ്പില് പീടികക്കടുത്ത് പെരുവള്ളൂര് സ്വദേശി തൊണ്ടിക്കോടന് അബ്ദുല് റസാഖ് (49), ഭാര്യ ഫാസില, മകള് ഫാത്തിമ റസാന് എന്നിവരാണ് മരിച്ചത്.
മദീന സന്ദര്ശനം പൂര്ത്തിയാക്കി ജിദ്ദയിലേക്ക് തിരിച്ച് വരുന്ന വഴിയായിരുന്നു വാഹനം അപകടത്തില്പ്പെട്ടത്. മരിച്ച അബ്ദുല് റസാഖ് താഇഫിലാണ് ജോലി ചെയ്തിരുന്നത്. ഇവിടെ കുടുംബ സമേതം താമസിച്ച് വരികയായിരുന്നു. നടപടി ക്രമങ്ങള് പൂര്ത്തിയാക്കാന് സ്ഥലത്തേക്ക് സുഹൃത്തുക്കളും സന്നദ്ധ സംഘടനാ പ്രവര്ത്തകരും എത്തിയിട്ടുണ്ട്.