07
Sunday August 2022
കേരളം

അച്ഛനായിരുന്നയാള്‍ അമ്മയായി മാറി; സര്‍ജറിക്കായി സെക്സ് വര്‍ക്ക് ചെയ്തു; അമയയുടെ ജീവിത കഥ

news desk
Tuesday, July 19, 2022

പ്രസാദ് എന്ന പുരുഷന്‍ എങ്ങനെ അമയ എന്ന സ്ത്രീ ആയി? എല്ലാവരും ചോദിച്ച ചോദ്യത്തിന് മറുപടിയാണ് അമയയുടെ ജീവിത കഥ. പ്രസാദില്‍ നിന്നും അമയയിലേക്കുള്ള യാത്ര ഏറെ പ്രതിസന്ധികള്‍ നിറഞ്ഞതായിരുന്നു. അതിന് കണ്ണീരിന്‍റെയും കുത്തു വാക്കുകളുടെയും മുറിവുണ്ട്.

ഒരുപാട് പേരുകള്‍ അന്വേഷിച്ചു പക്ഷേ ഒന്നും തൃപ്തി ആയില്ല. അവസാനമാണ് എ എന്ന അക്ഷരത്തിലുള്ള പേര് ഇടാം എന്ന് തീരുമാനിച്ചത്-അമയ പറഞ്ഞ് തുടങ്ങി. അങ്ങനെയാണ് അമയ എന്ന പേര് ഇട്ടത്. 26ാമത്തെ വയസിലാണ് അത് . അംബികയുടെയും മോഹന്റെയും മകനായിട്ടായിരുന്നു പ്രസാദിന്റെ ജനനം. മകനായി ജനിച്ച്‌ മകനായി വളരാനാണ് വീട്ടുകാര്‍ ആഗ്രഹിച്ചത്. ഒരു ആണ്‍കുട്ടിയായിത്തന്നെയാണ് അവരെന്നെ കണ്ടത്.

പക്ഷേ താന്‍ കുട്ടിക്കാലം മുതലേ മനസുകൊണ്ട് പെണ്ണായിരുന്നു എന്ന് അമയ പറഞ്ഞു. പുച്ഛത്തോടെയായിരുന്നു പലരും മുന്‍പ് എന്നെ നോക്കിക്കണ്ടത്. ഒരു പെണ്ണായി മാറാന്‍ ഒരുപാട് വിഷമങ്ങളും ത്യാഗങ്ങളുമൊക്കെ സഹിച്ചിട്ടുണ്ട്. എന്നാല്‍ അമ്മ എന്നെ അംഗീകരിച്ചു, അമ്മയ്ക്ക് എന്നെയിഷ്ടമാണ്. സഹോദരങ്ങളോ ബന്ധുക്കളോ ഒന്നും എന്നെ ഇതുവരെ സ്വീകരിച്ചിരുന്നില്ലെന്നും അമയ പറഞ്ഞു.

ജീവിതത്തില്‍ വീട്ടുകാരുടെ നിര്‍ബന്ധത്തിന്റെ പുറത്ത് വിവാഹം കഴിക്കേണ്ടി വന്നിരുന്നു. അതില്‍ തനിക്ക് ഒരു മകളുണ്ട്. അവള്‍ സുഖമായിരിക്കുന്നു. ഭാര്യ മരണപ്പെട്ടു. മകളെ എപ്പോഴെങ്കിലും കാണാനും അവളോടൊപ്പം കഴിയാനുമൊക്കെ ആഗ്രഹമുണ്ടെന്നും അമയ പറഞ്ഞു. ഇപ്പോള്‍ ഭാര്യയുടെ വീട്ടിലാണ് മകള്‍ കഴിയുന്നത്. അച്ഛനായിരുന്നയാള്‍ ഇന്ന് അമ്മയായി മാറിയിരിക്കുകയാണെന്നും അമയ .

താന്‍ മനസ് കൊണ്ട് മാത്രമല്ല ശരീരം കൊണ്ടും താന്‍ പെണ്ണായി മാറി. നാല് വര്‍ഷം മുമ്ബായിരുന്നു സര്‍ജറികള്‍ നടത്തിയത്. സര്‍ജറിക്കായി സെക്സ് വര്‍ക്ക് ചെയ്തിട്ടുണ്ട്. സെക്സ് വര്‍ക്ക് ചെയ്തത് പണത്തിനു വേണ്ടിയാണ്. കാരണം ലക്ഷങ്ങളാണ് സര്‍ജറിക്കായുളള ചിലവ്. പുരുഷനില്‍ നിന്ന് സ്ത്രീ ആകുക എന്നത് വലിയ വെല്ലുവിളി തന്നെയാണ് . ഇത് വെറുതെ വേഷം ധരിച്ച്‌ കെട്ടിയാടുന്നതല്ല. ഈ സമയത്ത് നമുക്ക് നേരിടേണ്ടി വന്ന അധിക്ഷേപങ്ങളെക്കുറിച്ചു പറഞ്ഞാല്‍ ജീവിക്കാന്‍ പോലും തോന്നില്ല പലപ്പോഴും ആത്മഹത്യയ്ക്ക് പോലും ശ്രമിച്ചിറ്റുണ്ട് എന്നും അമയ പറഞ്ഞു.

തന്നെ ചാന്തുപൊട്ടെന്നും ഒമ്ബതെന്നും വിളിച്ച്‌ പലരും കളിയാക്കിയിരുന്നു. അന്ന് തനിക്ക് ഒതുങ്ങിക്കൂടേണ്ടി വന്നിരുന്നുവെന്നും എന്നാല്‍ അമയയായി മാറിയതോടെ ജീവിതത്തില്‍ ഒരുപാട് മാറ്റങ്ങള്‍ വന്നുവെന്നും താരം പറഞ്ഞു. തങ്ങള്‍ക്ക് പ്രത്യേകിച്ച്‌ ബാത്റൂം ആവശ്യമില്ല. പല സ്ഥലത്തും അത് കാണുമ്ബോള്‍ വിഷമം തോന്നാറുണ്ട്. കാരണം സര്‍ജറി ചെയ്ത് ശരീരത്തില്‍ പരിണാമം വരുത്തുന്നതും പൂര്‍ണ്ണമായി ആണ്. കാഴ്ചയില്‍ മാത്രമല്ല ഈ മാറ്റം വരുത്തുന്നത്.

More News

തിരുവനന്തപുരം: കേശവദാസപുരത്ത് 60കാരിയെ മരിച്ച നിലയില്‍ കണ്ടെത്തി. മനോരമ എന്ന സ്ത്രീയാണ് മരിച്ചത്. സമീപത്തെ വീട്ടിലെ കിണറ്റില്‍ നിന്നാണ് മൃതദേഹം കണ്ടെത്തിയത്. ഇവരെ കാണാനില്ലെന്ന പരാതിയെ തുടർന്ന് നടത്തിയ തെരച്ചിലിനിടെയാണ് മൃതദേഹം കിട്ടിയത്. കാലുകൾ കെട്ടിയിട്ട നിലയിലായിരുന്നു മൃതദേഹം. ഇവരുടെ വീടിന് സമീപത്ത് താമസിച്ചിരുന്ന ഒരു ഇതരസംസ്ഥാന തൊഴിലാളിയെ കാണാതായിട്ടുണ്ട്. ഇയാൾക്ക് ഒപ്പം താമസിക്കുന്ന മൂന്ന് പേർ പൊലീസ് കസ്റ്റഡിയിലാണ്.

ഫ്‌ളോറിഡ: അഞ്ചാം ടി20യില്‍ വിന്‍ഡീസിനെ 88 റണ്‍സിന് തകര്‍ത്ത് ഇന്ത്യ 4-1ന് പരമ്പര സ്വന്തമാക്കി. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില്‍ ഏഴ് വിക്കറ്റിന് 188 റണ്‍സെടുത്തു. വിന്‍ഡീസ് 15.4 ഓവറില്‍ 100 റണ്‍സിന് പുറത്തായി. 40 പന്തില്‍ 64 റണ്‍സെടുത്ത ശ്രേയസ് അയ്യരാണ് ഇന്ത്യയുടെ ടോപ് സ്‌കോറര്‍. ഇഷന്‍ കിഷന്‍-11, ദീപക് ഹൂഡ-38, സഞ്ജു സാംസണ്‍-15, ഹാര്‍ദ്ദിക് പാണ്ഡ്യ-28, ദിനേശ് കാര്‍ത്തിക്-12, അക്‌സര്‍ പട്ടേല്‍-9, ആവേശ് ഖാന്‍-1 നോട്ടൗട്ട് എന്നിങ്ങനെയാണ് മറ്റുള്ളവരുടെ പ്രകടനം. […]

പട്‌ന: എന്‍ഡിഎയുമായി പിണങ്ങി നില്‍ക്കുന്ന ബിഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍ സോണിയാ ഗാന്ധി അടക്കമുള്ള പ്രതിപക്ഷ നേതാക്കളുമായി സംസാരിച്ചതായി റിപ്പോര്‍ട്ട്. ഇതിന് പിന്നാലെ ജെഡിയു എംപിമാരെ നിതീഷ് പട്‌നയിലേക്ക് വിളിപ്പിച്ചു. ബിഹാറിലെ രാഷ്ട്രീയ വിഷയങ്ങളെ ചൊല്ലി എന്‍ഡിഎയുമായി ഇടഞ്ഞു നില്‍ക്കുകയാണ് ജെഡിയു. ഇന്ന് പ്രധാനമന്ത്രിയുടെ അധ്യക്ഷതയിൽ വിളിച്ചു ചേർത്ത നിതി ആയോഗ് യോഗത്തിൽ നിന്നടക്കം അദ്ദേഹം വിട്ടു നിന്നിരുന്നു.

കുവൈറ്റ് സിറ്റി: വ്യാഴം, ശനി ഗ്രഹങ്ങളുടെ അപൂര്‍വ സംഗമത്തിന് ഇന്ന് കുവൈറ്റ് സാക്ഷിയാകും. രാത്രി 10 മുതല്‍ സൂര്യോദയം വരെയുള്ള സമയങ്ങളിലാണ് ഈ അപൂര്‍വ പ്രപഞ്ച വിസ്മയത്തിന് കുവൈറ്റിന്റെ ആകാശം സാക്ഷിയാവുകയെന്ന് അൽ ഉഐജീരി സയന്റിഫിക്‌ സെന്റർ അറിയിച്ചു. നഗ്ന നേത്രങ്ങൾ കൊണ്ട്‌ ഇത് കാണാം. കാഴ്ചയില്‍ ഇരു ഗ്രഹങ്ങളും ചേർന്ന് നിൽക്കുന്നതായി തോന്നാമെങ്കിലും ഏകദേശം 60 കോടി കിലോമീറ്ററുകൾ അകലെയാണു ഇവ തമ്മിലുള്ള ദൂരം എന്ന് കേന്ദ്രത്തിലെ പബ്ലിക് റിലേഷൻസ് ആൻഡ് മീഡിയ ഡയറക്ടർ ഖാലിദ് […]

കോഴിക്കോട്: പന്തിരിക്കരയില്‍ സ്വര്‍ണ്ണക്കടത്ത് സംഘം തട്ടിക്കൊണ്ടുപോയി കൊലപ്പെടുത്തിയ ഇര്‍ഷാദിന്‍റെ മൃതദേഹാവശിഷ്ടം ബന്ധുക്കൾ ഏറ്റുവാങ്ങി സംസ്ക്കരിച്ചു.  മേപ്പയൂർ സ്വദേശി ദീപക്കിന്‍റേതെന്ന് കരുതി ബന്ധുക്കൾ ഏറ്റുവാങ്ങി സംസ്കരിച്ച മൃതദേഹമാണ് ഇർഷാദിന്‍റേതാണെന്ന് തെളിഞ്ഞതിനെ തുടർന്ന് ബന്ധുക്കള്‍ക്ക് കൈമാറിയത്. കാണാതായ ദീപക്കിന്റേതെന്ന് കരുതി ഇർഷാദിന്റെ മൃതദേഹം ബന്ധുക്കൾ സംസ്കരിച്ചിരുന്നു. എന്നാൽ ഡി എൻ എ പരിശോധനയിൽ മൃതദേഹം ദീപക്കിന്റേതല്ലെന്നും ഇർഷാദിന്റേതാണെന്നും വ്യക്തമായി. പിന്നാലെയാണ് വടകര ആർ ഡി ഒയുടെ നേൃത്വത്തിൽ ഇർഷാദിന്റെ മൃതദേഹാവശിഷ്ടങ്ങൾ ബന്ധുക്കൾക്ക് കൈമാറിയത്.

കൽപറ്റ: വയനാട് ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ ജില്ലാ കളക്ടർ അവധി പ്രഖ്യാപിച്ചു. ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർ അറിയിച്ചു. ജില്ലയിൽ മഴ തുടരുന്ന സാഹചര്യത്തിലും ദുരിതാശ്വാസ ക്യാംപുകൾ പ്രവർത്തിക്കുന്ന സാഹചര്യത്തിലുമാണ് അവധി പ്രഖ്യാപിച്ചത്.

മനാമ : കേരള പ്രദേശ് കോൺഗ്രസ് കമ്മിറ്റിയുടെ നിർദ്ദേശ പ്രകാരം ലോകമെമ്പാടും ആരംഭിച്ച ഒഐസിസി മെമ്പർഷിപ്പ്‌ വിതരണം ബഹ്‌റൈനിലും ആരംഭിച്ചു. ഒഐസിസി ആക്ടിങ് പ്രസിഡന്റ്‌ രവി കണ്ണൂർ അധ്യക്ഷത വഹിച്ച യോഗത്തിൽ മെമ്പർഷിപ്പ്‌ വിതരണോദ്ഘാടനം ഒഐസിസി ഗ്ലോബൽ ജനറൽ സെക്രട്ടറിയും, മിഡിൽ ഈസ്റ്റ്‌ ജനറൽ കൺവീനറുമായ രാജു കല്ലുംപുറം മുതിർന്ന അംഗം സി.പി. വർഗീസിന് ആദ്യ മെമ്പർഷിപ് നൽകി നിർവഹിച്ചു. ഗ്ലോബൽ സെക്രട്ടറിയും, മിഡിൽ ഈസ്റ്റ്‌ കൺവീനർ റഷീദ് കുളത്തറ മെമ്പർഷിപ്പ് വിതരണം സംബന്ധിച്ച വിശദമായ വിവരങ്ങൾ […]

തൊടുപുഴ: ചിറ്റൂര്‍ പാലക്കാട്ട് മാണി ജോസഫ് (78) നിര്യാതനായി. സംസ്ക്കാരം നാളെ തിങ്കളാഴ്ച രാവിലെ 10.30 ന് ചിറ്റൂർ സെന്റ് ജോർജ് പള്ളിയിൽ. ഭാര്യ: ചിന്നമ്മ ആരക്കുഴ പൂക്കാട്ട് കുടുംബാംഗം. മക്കൾ: ബീന (മുംബൈ), ബിന്ദു (ഖത്തർ), ബിജോ (ദുബായ്). മരുമക്കൾ: ഗ്യാരി ജെയിംസ്, ചക്കാലപ്പാടത്ത് (മുംബൈ), ബെനോ ജെയിംസ്, മുട്ടത്ത് (കാഞ്ഞിരപ്പിള്ളി), നിഷ വടക്കേവീട്ടിൽ (മൈസൂർ).

തിരുവനന്തപുരം: വർക്കല അഞ്ചുതെങ്ങ് മുതലപ്പൊഴിയിൽ മത്സ്യബന്ധന വള്ളം മറിഞ്ഞ് അപകടം. അപകടത്തിൽ രണ്ട് മത്സ്യത്തൊഴിലാളികളെ കാണാതായി. പെരുമാതുറ ചേരമാൻ തുരുത്ത് സ്വദേശികളായ സബീർ (35( ഷമീർ (33) എന്നിവരെയാണ് അപകടത്തിൽപ്പെട്ട് കാണാതായത്. ഒപ്പമുണ്ടായിരുന്ന അൻസാരി (40) നീന്തി രക്ഷപ്പെട്ടു. കോസ്റ്റൽ പോലീസും മത്സ്യത്തൊഴിലാളികളും തിരച്ചിൽ തുടരുകയാണ്.

error: Content is protected !!