30
Friday September 2022

മലയാള സിനിമയുടെ സമവാക്യങ്ങൾ മാറി മറിയുന്നു ! ട്വന്റി – ട്വന്റിക്ക് പകരം ‘തെണ്ടി-തെണ്ടി ‘ ഉടന്‍. തിരക്കഥ ഇങ്ങനെ !!

കന്നാസും കടലാസും
Tuesday, June 12, 2018

മലയാള സിനിമയുടെ സമവാക്യങ്ങൾ മാറി മറിയുന്നു . അമ്മയും മഴവില്ലും ചേർന്നുകൊണ്ട് മറ്റൊരു സിനിമക്ക് പ്ലാനുകൾ അരങ്ങേറുമ്പോൾ ഫാൻസുകൾ അന്തം വിട്ടു നിന്ന് മൾട്ടിപ്ളെക്സ് തിയറ്ററുകളിലൂടെ കാഴ്ചകൾ കാണേണ്ടി വരുന്ന സീനുകളാണ് അമ്മയുടെ പുതിയ സിനിമയിൽ അവതരിപ്പിക്കുന്നത് . മറ്റൊരു ട്വന്റി – ട്വന്റി സിനിമക്ക് കൂടി സാധ്യത തെളിഞ്ഞു വന്നിരിക്കുന്നതിനാൽ നിർമ്മാണത്തിനായി കൊച്ചിയിലെ രണ്ട് പ്രമുഖർ പിടി മുറുക്കിയിരിക്കുന്നു .

ജനപ്രിയൻ പഴയതും പുതിയതുമായ പുട്ടുകച്ചവടങ്ങളൊക്കെ നിർത്തി മര്യാദരാമനായി വന്നിരിക്കുന്നതിനാൽ നിർമാണം ജനപ്രിയനു തന്നെ . പക്ഷെ ഇനിയിപ്പോൾ ട്വന്റി – ട്വന്റി പേര് കിട്ടാത്തതുകൊണ്ട് ‘തെണ്ടി-തെണ്ടി ‘ എന്നാണ് ജനപ്രിയൻ സിനിമക്ക് പേര് നിർദ്ദേശിച്ചിരിക്കുന്നത് .

ഇതിന്നടിയിൽ ഓണത്തിന്നിടക്ക് പൂട്ട് കച്ചവടം പോലെ ഇടുക്കി ഗോൾഡിന്റെ സൂത്രധാരകൻ അബുദാബിയിലെ ചില പാവപ്പെട്ട സിനിമാപ്രേമികളുടെ പണവുമായി നിർമ്മാണത്തിന് തയാറാണെന്ന് വിമൻസ് കളക്ടീവ് മുഖേന അറിയിച്ചിരിക്കുന്നു . ’25 – 25′ എന്നാണ് സൂത്രധാരകൻ നിർദ്ദേശിച്ചിരിക്കുന്ന പുതിയ പേര് .സിനിമയുടെ പശ്ചാത്തലം ‘തള്ള മഴവില്ല് ‘ എന്നൊരു ഗമണ്ടൻ സ്റ്റേജ് ഷോ തന്നെ . ( ‘അമ്മ തിരോന്തരത്ത് എത്തിയപ്പോൾ തള്ളയായി )

സിനിമാക്കഥ തുടങ്ങുന്നതിനുമുമ്പ് ഒരു അറിയിപ്പ് : ഈ സിനിമ തികച്ചും സങ്കല്പികമല്ല , ഇതൊരു സത്യാന്വേഷണമാണ് , ഇതിലെ കഥക്കും കഥാപാത്രങ്ങൾക്കും ജീവിച്ചിരിക്കുന്നവരായി എന്തെങ്കിലും സാമ്യം തോന്നുന്നുവെങ്കിൽ അത് തികച്ചും മനപ്പൂർവമാണ് . ഇനി ഇതിന്റെ പേരിൽ ആരെയും ഒലത്തിക്കളയാം എന്ന് ആരും കരുതുകയും വേണ്ട .

സീൻ 1 : ഫ്ലാഷ്ബാക്ക് മ്യുസിക് : ഭയങ്കരമാണ രാത്രി , കുരുകുരാ ഇരുട്ട് , തൃശൂരിൽ നിന്നും ഒരു പ്രമുഖ നടി കൊച്ചികാണുവാൻ പുറപ്പെടുന്നു , മാഷാ അള്ളാ എന്ന സ്റ്റിക്കർ ഇല്ലാത്ത ഒരു ഇന്നോവ കാറിൽ അങ്കമാലിക്കടുത്ത് നടി ഇറങ്ങി , പിന്നെ കുറച്ചു കഴിഞ്ഞു നേരം വീണ്ടും ഇരുട്ടിയപ്പോൾ പിന്നെയും ഇന്നോവയിൽ കയറി യാത്ര തുടങ്ങി . ഇടപ്പള്ളി എത്താറായപ്പോൾ ഒരു ടെമ്പോ ട്രാവലറിൽ രണ്ടുമൂന്നുപേർ ചേർന്ന് ഇന്നോവയെ തടുത്തു നിർത്തുകയും അതിലേക്ക് കയറുകയും ചെയ്യുന്നു , ചീവീടുകൾ കരയുന്നു , തവളകളും കൂടെ കരയുന്നു .

സീൻ 2 : കൊച്ചിയിലെ മഹാരാജാസ് കോളേജ് ഗ്രൗണ്ട് , കേരളത്തിലെ സകലമാന സിനിമ നടന്മാരും നടിമാരും ഒത്തൊരുമിച്ചുകൊണ്ട് ഐക്യദാർഢ്യം പ്രഖ്യാപിക്കുന്നു , കരയുന്ന നടന്മാർ , ചിരിക്കുന്ന കാട്ടാളന്മാർ , തലക്ക് കൈ കൊടുത്ത് ഇരിക്കുന്ന നടിമാർ , ചിലർ നിരാഹാര സത്യാഗ്രഹം പ്രഖ്യാപിക്കുന്നു . എല്ലാവർക്കും ഒരേയൊരു ആവശ്യം അറസ്റ്റ് . യോഗശേഷം എല്ലാവരും അവരവരുടെ ഇന്നോവയിൽ വീട്ടിലേക്ക് മടങ്ങുന്നു . ഫ്ലാഷ് ബാക്ക് മ്യുസിക്ക് അവസാനിക്കുന്നു .

സീൻ 3 : കേരളത്തിലെ ഒരു പ്രമുഖ ചാനൽ പത്ര മുതലാളിയുടെ ബംഗ്ലാവ് . മുതലാളി മടിയൻ കസേരയിലിരുന്ന് ചുരുട്ട് വലിക്കുന്നു . ഒന്ന് രണ്ട് ചാനൽ കിങ്കരന്മാർ ഓച്ഛാനിച്ച് നിൽക്കുന്നു . ” മറ്റേ ചാനലുകാർ റേറ്റിങ് കൂട്ടികൊണ്ടിരിക്കുന്നു , നമ്മൾ ഇങ്ങനെ പോയാൽ നിങ്ങളെയൊക്കെ പിരിച്ചു വിടേണ്ടി വരും ” മുതലാളി ചുരുട്ട്വ ആഞ്ഞു വലിച്ചുകൊണ്ടു വിരട്ടുന്നു .

” നായർ ആള് മോശമല്ല , അങ്ങേര് എആർ റഹ്മാനെയാണ് കൊച്ചിയിൽ ഇറക്കുന്നത് , അതും പുളിക്കന്റെ പാടത്ത് ” . ചുരുട്ടിന്റെ പുക മുറിയിൽ നിറയുന്നു . ” അപ്പൊ പിന്നെ അതിന്റെ മേലെ വരണം നമ്മുടെ കളികൾ . ഒപ്പം റേറ്റിങ്ങും ,നമ്മുടേത് നടക്കുകയും വേണം മറ്റവന്മാരുടേത് കൊളമാകുകയും വേണം , അതിനുള്ള ഏർപ്പാടുകൾ ചെയ്യു ”

സീൻ 4 : കൊച്ചിയിലെ കടവന്ത്രയിലെ പ്രാഞ്ചിയേട്ടന്റെ വീട് . പ്രാഞ്ചിയേട്ടൻ വീടിന്റെ ഉമ്മറത്തിരുന്ന് നെഞ്ചിലേയും കയ്യിലേയും നരച്ച രോമങ്ങളെ പല്ലുതേക്കുന്ന ബ്രഷ് ഉപയോഗിച്ച് കറുപ്പ് നിറം പൂശുന്നു . മുത്തശ്ശി പത്രത്തിന്റെ ആളുകൾ രണ്ടു പേര് പ്രാഞ്ചിയേട്ടൻറെ പടി തുറന്ന് മെല്ലെ അകത്തേക്ക് കടക്കുന്നു . അവരെ കണ്ടതോടെ പ്രാഞ്ചിയേട്ടൻ അകത്തേക്ക് വലിയുന്നു .

പിന്നെ വരവ് സേതുരാമയ്യർ സ്റ്റൈലിൽ . ” എന്താടോ , ചാനലൊക്കെ എങ്ങനെ പോകുന്നു , ഞങ്ങളുടെ പാർട്ടി ചാനലിനെ നിങ്ങൾ തീരെ ഇല്ലാതാക്കിയല്ലോ ? ” . ” ഇക്ക ഞങ്ങളെ ഒന്ന് സഹായിക്കണം , ഇത്തവണത്തെ ‘അമ്മ ഷോ ഞങ്ങൾക്ക് തന്നെ തരണം ” . ഉറക്കെ ചിരിച്ചുകൊണ്ട് ഇക്ക ” ഷോയൊക്കെ തരാം , പക്ഷെ ആരെ
പൊക്കണം ആരെ താഴ്ത്തണം എന്നുള്ളത് ഞാൻ തീരുമാനിക്കും , ഒക്കെ ആണെങ്കിൽ മുദ്രപത്രം തയാറാക്കിക്കോളൂ ”

സീൻ 5 : പനമ്പിള്ളി നഗറിലെ ഒരു വീട് .വിമൻസ് കളക്ടീവിന്റെ ഓഫിസ് .ലംബോർഗിനി കാർ വന്നു നിൽക്കുന്നു . പെണ്ണുങ്ങളെല്ലാം ആർത്തിയോടെ കാറിന്നരിലേയ്ക്ക് . പെട്ടെന്ന് ഡോറുകൾ മേലോട്ട് പൊന്തുമ്പോൾ അന്തം വിട്ടുകൊണ്ട് നന്പീശനും കാനഡക്കാരിയും .
നൃത്താധ്യാപിക കെട്ടിയോനുമായോ വേറെ ആരോടോ എന്നറിയില്ല ഫോണിലൂടെ ശ്രുംഗാരം . വാര്യർ സിനിമ അവസരങ്ങൾ കൂടുതൽ ലഭിക്കുവാൻ ഒരു ജ്യോത്സ്യനുമായി അടച്ചിട്ട മുറിയിൽ . ലംബോര്ഗിനിയിൽ വന്ന സ്ത്രീയുമായി ഇംഗ്ലീഷിൽ സംസാരിക്കുന്ന കാഞ്ചനമാല .

അമ്മയുടെ ഷോയുമായി ബന്ധപ്പെട്ട കലാപരിപാടികൾ ആസൂത്രണം ചെയ്യുവാനുള്ള മീറ്റിങ്ങിനാണ് എല്ലാവരും എത്തിച്ചേർന്നിരിക്കുന്നത് .
ഇൻസ്‌പെക്ടർ ബിജു സിലോണിൽ നിന്നും സ്കൈപ്പിലും ആലപ്പുഴക്കാരൻ കയ്യെത്തും ദൂരത്തുനിന്നും പ്ലാനുകൾ ചെയ്യുന്നു .

സീൻ 6 : ഒടിയനും പ്രാഞ്ചിയേട്ടനും അമ്മയുടെ എംപിയും അമ്മയുടെ ശിങ്കിടി ഇടവേളയും ഒരുമിച്ചുള്ള ഗൂഢാലോചന . അടുത്ത തിരഞ്ഞെടുപ്പാണ് വിഷയം . ലോക്സഭയല്ല അമ്മയുടെ സഭയാണ് ചർച്ചയിൽ . ” നമ്മുക്ക് ഈ സ്ഥാനങ്ങൾ തിരിച്ചും മറിച്ചും അങ്ങോട്ടും ഇങ്ങോട്ടും പങ്കുവെച്ച് കളിക്കാമെന്നേയ് ” എംപിയുടെ അഭിപ്രായം . കുറെ ചെക്കന്മാരും പെൺകിടാങ്ങളും ഇറങ്ങീട്ടുണ്ട് , അവരെയൊക്കെ ഇത്തവണയും ഒതുക്കണം ” . ”മേമ്പൊടിക്ക് ഒന്ന് രണ്ടുപേർക്ക് നമ്മുക്ക് എന്തൊങ്കിലുമൊക്കെ സ്ഥാനമാനങ്ങൾ കൊടുത്ത് ഒതുക്കാം” ഒടിയന്റെ അഭിപ്രായം എല്ലാവര്ക്കും ഇഷ്ടായി .റേഞ്ച് റോവറിലെ 369 ഇൽ എല്ലാവരും കയറുന്നു .

സീൻ 7 : ഫൈവ്സ്റ്റാർ ഹോട്ടലിലെ ബാൾ റൂം , അമ്മയുടെ റിഹേഴ്സൽ : ഒരു കൂട്ടർ കുശലം പറയുന്നു , ഒരു കൂട്ടർ വാട്സാപ്പിൽ , ഒരു കൂട്ടർ നൃത്ത പരിശീലനം , ഒരു കൂട്ടർ തമാശകളി . നൃത്തം പരിശീലിക്കുന്ന ഒടിയൻ . നൃത്തം പരിശീലിക്കുവാൻ ശ്രമിക്കുന്ന പ്രാഞ്ചിയേട്ടൻ , അവരെ കളിയാക്കുന്ന എംഎൽഎ . വളിപ്പുകളുമായി കോമഡിക്കാർ .സംവിധായകൻ വരുന്നു .

നരച്ച താടിയുമായി . . എല്ലാവരും അക്ഷമരായി കാത്തുനിൽക്കുന്നു . ഷാർജ ഷോയിൽ എല്ലാവര്ക്കും തുല്യ പ്രധാനമായിരുന്നു എന്നതാണ് ഏവരുടെയും ആശ്വാസം .സുപ്രധാന സ്കിറ്റ് പുറത്തെടുക്കുന്നു . അലാവുദ്ധീനും ആലമ്പനയും തമ്മിലുള്ള സ്കിറ്റായിരുന്നു മുഖ്യം . കോമഡിക്കാരൊക്കെ റെഡിയായി നിൽക്കുന്നു .
പെട്ടെന്ന് ലംബോർഗിനിയും ഇൻസ്‌പെക്ടർ ബിജുവും മഹേഷും പ്രതികാരം ചെയ്യാനെന്നോണം സംവിധായകന്റെ കയ്യിൽ നിന്നും സ്ക്രിപ്റ്റ് പിടിച്ചുവാങ്ങുന്നു . മഹേഷ് സ്ക്രിപ്റ്റുമായി ഓടുന്നു .

സീൻ 8 : ലംബോർഗിനി പാഞ്ഞു പോകുന്നു , പിന്നാലെ രണ്ടു ഇന്നോവ കാറുകൾ , ഒരു പുഴവക്കിൽ എല്ലാവരും ഒത്തു ചേരുന്നു . മഹേഷ് സ്ക്രിപ്റ്റ് വെളിയിൽ എടുക്കുന്നു , ലംബോർഗിനി അത് വായിച്ചു നോക്കുന്നു . പരസ്പരം എന്തൊക്കെയോ രഹസ്യങ്ങൾ പങ്കുവെക്കുന്നു , മഹത്തായ ഒരു ഗൂഢാലോചന . ലംബോര്ഗിനിയുടെ ചേട്ടൻ കാരണവർ സ്ക്രിപ്പ്റ്റ് പുഴയിൽ ഒഴുക്കി കളയുന്നു . മഹേഷ് എന്തോ പുകക്കുന്നു .
എല്ലാവരും എന്തൊക്കെയോ കുശുകുശുക്കുന്നു , പിന്നെ വണ്ടികൾ സ്റ്റാർട്ട് ചെയ്തു .

സീൻ 9 : ഫൈവ് സ്റ്റാർ ഹോട്ടലിലെ ബാൾ റൂം , എല്ലാവരും അണ്ടിപോയ അണ്ണാനെ പോലെ തലയ്ക്കു കൈയും കൊടുത്ത് ഇരിക്കുന്നു , ഒടിയൻ ഒറ്റയാനെപ്പോലെ വിറക്കുന്നു . പ്രാഞ്ചിയേട്ടൻ ഐ ഫോൺ ടെൻ ന്റെ മഹത്മ്യം നടിമാർക്ക് പങ്കുവെക്കുന്നു . സംവിധായകൻ ചാനലുകാരുമായി കൂലം കുഷമായ ചർച്ച . ചാർളി വാട്സാപ്പിൽ വീഡിയോ കാണുന്നു .

പെട്ടെന്ന് വാതിൽ തള്ളിതുറന്നുകൊണ്ടു ലംബോര്ഗിനിയും മഹേഷും ആക്ഷൻ ഹീറോ ബിജുവും ചേട്ടൻ ലംബോര്ഗിനിയും കടന്നുവന്നു . ഈ സ്ക്രിപ്റ്റ് മാറ്റിയില്ലെങ്കിൽ ഷോ കുളമാക്കുമെന്നുള്ള ഭീഷണി . ” പോ മോനെ മഹേശാ” ഒടിയൻ മുന്നോട്ട് വന്നു ചാർളിയെ ചേർത്തുപിടിച്ചു പറഞ്ഞു . ” ഇവനാണ് താരം , ഇവനെ ഒഴിവാക്കി ഇവിടെ ഒരു മണ്ണാങ്കട്ടയും നടക്കില്ല , ഞാൻ ജീവിച്ചിരിക്കുമ്പോൾ ” . ഒപ്പം കസബ നടി ചാർളിയുടെ അപ്പന്റെ കൂടെ കൂടി . ശരിക്കും പ്രാഞ്ചിയേട്ടൻ ഞെട്ടി .

സീൻ 10 : കിഴക്കേ കോവിലകത്തെ ചന്ദ്രൻ നമ്പൂതിരിയുടെ മന . ഒരു വെളുത്ത ബിഎംഡബ്ള്യു കാറിൽ സല്ലാപം നടി വന്നിറങ്ങുന്നു . മെല്ലെ മനയിലേക്കു പ്രവേശിക്കുന്നു . തളത്തിൽ ചന്ദ്രൻ നമ്പൂതിരി കബഡി നിരത്തുന്നു . ആകാംഷയോടെ നടി ധ്യാനത്തിനെന്ന പോലെ ഇരിക്കുന്നു .

” ദൈവാധീനം ഇച്ചിരി കുറവാ കുട്ടീ , വിവാഹമോചനം നടക്കുവാൻ പാടില്ലാത്തതായിരുന്നു , കുട്ടിക്കെതിരെ പുത്തൂരിലെ അമ്പലത്തിൽ ഒരു സ്ത്രീ നേർച്ച നേർന്നിട്ടുള്ളതായി പ്രശ്‌നത്തിൽ കാണുന്നു , അത് പരിഹരിക്കണമെങ്കിൽ ശതൃപൂജ നടത്തണം ” . നടിയുടെ കണ്ണുകളിൽ ഈറൻ . ” ഇനിയെന്നാ ഇങ്ങോട്ടു വരാൻ സാധിക്യാ ?” .

നമ്പൂതിരിയുടെ ചോദ്യത്തിന് നടിയുടെ മറുപടി ” അമ്മയുടെ ഷോ കഴിയണം , അതുവരെ സ്വൽപ്പം തിരക്കിലാ ” . ” ഷോനടന്നാലും ഇല്ലെങ്കിലും കുട്ടിക്കൊന്നും വലിയ പ്രാധാന്യം ഒന്നുമില്ല , അങ്ങനെയാ പ്രശ്‌നത്തിൽ കാണുന്നത് , എന്തായാലും വേഗം പരിഹാരം കണ്ടോളൂ ” നമ്പൂതിരിയുടെ വാക്കുകളിൽ തീഷ്ണത .

സീൻ 11 : തിരോന്തരം സ്റ്റേഡിയം , നിറഞ്ഞു കവിഞ്ഞ ജനങ്ങൾ , ചരിത്രത്തിലെ ഒന്നാം നമ്പർ സ്റ്റേജ് സെറ്റപ്പ് , ഏറെ കാത്തിരിപ്പിന് ശേഷം ഷോ തുടങ്ങുന്നു , സ്റ്റേജിൽ അറുപത്തഞ്ച് കഴിഞ്ഞ ചെറുപ്പക്കാരൻ പ്രാഞ്ചി , മലയാളത്തിൽ എന്തൊക്കെയോ പറയുന്നു , പിന്നെ കൂട്ടുകാരൻ പെട്ട തലയൻ മൈക്കുമായി വരുന്നു , കുറെ കിളവന്മാരെയും കിളവികളെയും ആദരിക്കുന്നു .

അതുകഴിഞ്ഞായി ടിവിയിലെ വെടിക്കെട്ട് , പെട്ടെന്ന് ഒരു പയ്യൻ കാർപ്പറ്റിൽ പറന്നുവരുന്നു , ജനങ്ങൾ ആവേശത്തോടെ ആർപ്പു വിളിക്കുന്നു . പെൺകിടാങ്ങക്ക് നാണം വരുന്നു . പയ്യന്റെ കാർപ്പറ്റിനു തീ പിടിക്കുന്നു , പയ്യൻ തീ കെടുത്തുവാൻ നോക്കുന്നു , അലമ്പനയും വരുന്നില്ല , ആകെ അലമ്പാവുന്ന അവസ്ഥയിൽ താഴേക്ക് ചാടുന്നു .

സീൻ 12 : നമ്മുടെ ഡിജിപിയുടെ ഡ്യുപ്പും ബോൾഗാട്ടിയും കണാരേട്ടനും പിഷുവും താഴെ വീണ പയ്യനെ സോപ്പിടുവാൻ ശ്രമിക്കുന്നു . അവന്റെ അപ്പന്റെ പേരൊക്കെ പറഞ്ഞുനോക്കിയെങ്കിലും പയ്യൻ കൂട്ടാക്കുന്നില്ല. അവൻ അലാവുദ്ധീനാണത്രെ , പെട്ടെന്ന് അവിടേക്ക് അലമ്പനായി ഒടിയൻ എത്തുന്നു , പിന്നെ പ്രാഞ്ചിയേട്ടനും ഒക്കെ എത്തുന്നു . പ്രാഞ്ചി പറക്കുന്ന കാർപെറ്റ് ഓസിക്ക് കിട്ടുമോന്ന് ശമിച്ചെങ്കിലും നടക്കുന്നില്ല .

അവസാനം തന്റെ നൃത്തത്തിന്റെ കാര്യം പറഞ്ഞുകൊണ്ട് എല്ലാറ്റിനെയും അവിടെ നിന്നും തുരത്തുന്നു . കാണികൾ കയ്യടിക്കുന്നു . ഒപ്പം കയ്യടികളുമായി ഓഡിയൻസിൽ നിന്നും ലംബോര്ഗിനിയും , ചേട്ടനും മഹേഷും ആക്ഷൻ ഹീറോ ബിജുവും . കർട്ടൻ വീഴുന്നു പടം അവസാനിക്കുന്നു .

(വാൽക്കഷണം : ഇത് കേരളമാണ് , ഇവിടെ കുറെ താപ്പാനകൾ ജീവിക്കുന്നു , കോൺഗ്രസ്സിലായാലും , കമ്മ്യുണിസ്റ്റിലായാലും , സിനിമയിലായാലും , സാമൂഹ്യ പ്രവർത്തകരിലായാലും കളളന്മാരിൽ ആയാലും . അവർ വിചാരിക്കുന്നിടത്തേക്കേ കാര്യങ്ങൾ നീങ്ങുകയുളളൂ .)

 

Related Posts

More News

നാഗർകോവിൽ: നിദ്രവിളിയിൽ അദ്ധ്യാപികയുടെ അഞ്ചര പവന്റെ മാല കവർന്നു. സ്വകാര്യ സ്കൂളിൽ അദ്ധ്യാപികയായ നിദ്രവിള ക്രാതർ സ്വദേശിനി പ്രമീളയുടെ മാലയാണ് കവർന്നത്. ഇന്നലെ വൈകിട്ടായിരുന്നു സംഭവം. സ്കൂൾ കഴിഞ്ഞ് വൈകിട്ട് വീട്ടിലേക്ക് മടങ്ങവെ ബൈക്കിലെത്തിയ രണ്ടുപേർ പ്രമീളയെ ബൈക്കിൽ നിന്ന് തള്ളിയിട്ട ശേഷം കഴുത്തിൽ കിടന്ന അഞ്ചര പവന്റെ മാല പൊട്ടിച്ചെടുക്കുകയായിരുന്നു. നിലവിളി കേട്ട് നാട്ടുകാർ എത്തിയപ്പോഴേക്കും മോഷ്ടാക്കൾ ബൈക്കിൽ കടന്ന് കളഞ്ഞു. സംഭവുമായി ബന്ധപ്പെട്ട് നിദ്രവിള പൊലീസ് കേസെടുത്തു.

തിരുവനന്തപുരം: വിഴിഞ്ഞത്ത് സാമൂഹികാരോഗ്യ കേന്ദ്രത്തിൽ ചികിത്സ തേടിയെത്തിയ യുവതിയെ പട്ടി കടിച്ചത് കണ്ടിട്ടും പ്രാഥമിക ചികിത്സ പോലും നൽകാതെ ആശുപത്രി ജീവനക്കാർ അകത്തേക്ക് കയറി പോയെന്ന് അപർണയുടെ അച്ഛൻ വാസവൻ . ചപ്പാത്ത് സ്വദേശി അപർണ (31) യ്ക്കാണ് ദുരനുഭവം നേരിട്ടത്. രാവിലെ ഏഴേകാലോടെയാണ് സംഭവം. വീടിനകത്തുവച്ച് പൂച്ചകടിച്ചതിന് രണ്ടാംഡോസ് വാക്സീൻ എടുക്കാൻ അച്ഛൻ വാസവന് ഒപ്പം എത്തിയതായിരുന്നു അപര്‍ണ. ഒപി പ്രവര്‍ത്തിക്കുന്ന ഡോക്ടറുടെ ഡ്യൂട്ടി മുറിയായ ഐപി ബ്ലോക്കിൽ എത്തി ആശുപത്രി അധികൃതരുമായി സംസാരിച്ചതിന് ശേഷം […]

ശിവകാർത്തികേയനെ നായകനാക്കി അനുദീപ് കെ.വി സംവിധാനം ചെയ്യുന്ന റൊമാന്റിക് കോമഡി ചിത്രം പ്രിൻസ് ദീപാവലിക്ക് റിലീസ് ചെയ്യും. ഒക്‌ടോബർ 21ന് റിലീസ് ചെയ്യുന്ന ചിത്രത്തിൽ തമിഴ് ടൂറിസ്റ്റ് ഗൈഡിന്റെ വേഷമാണ് ശിവകാർത്തികേയന്. തമിഴിലും തെലുങ്കിലുമാണ് ചിത്രീകരിച്ചത്. യുക്രെയ്‌ൻ താരം മറിയ ഗ്യാബോഷ്‌കയാണ് നായിക. സത്യരാജ്, പ്രേംജി അമരൻ എന്നിവരാണ് ചിത്രത്തിലെ മറ്റു താരങ്ങൾ. ശ്രീവെങ്കിടേശ്വരൻ സിനിമാസാണ് നിർമ്മാണം. ജി.കെ.വിഷ്ണു ഛായാഗ്രഹണവും എസ്. തമൻ സംഗീത സംവിധാനവും നിർവഹിക്കുന്നു. അതേസമയം, ഏറ്റവും അവസാനം റിലീസ് ചെയ്ത ശിവകാർത്തികേയൻ ചിത്രങ്ങളായ […]

ജീവിതത്തിന്റെ മൂന്നിലൊന്നു ഭാഗവും നാം ഉറങ്ങുകയാണ്. ഉറക്കത്തിന്റെ നാലിൽ ഒരു ഭാഗം സ്വപ്നങ്ങൾക്കായി ചെലവഴിക്കുന്നു. അതായത് 2022ൽ ജീവിക്കുന്ന ഒരു മനുഷ്യന്റെ ശരാശരി ആയുർദൈർഘ്യമായ 73 വർഷത്തിൽ 6 വർഷം മാത്രമാണ് നമ്മൾ സ്വപ്നം കാണാൻ ഉപയോഗിക്കുന്നത്. എന്നാൽ ഒരു മനുഷ്യന്റെ ജീവിതത്തിൽ സുപ്രധാന പങ്കു നിർവഹിക്കുന്ന സ്വപ്നങ്ങളെക്കുറിച്ചും അവ എങ്ങനെ തലച്ചോറിൽ രൂപപ്പെടുന്നെന്നും തലച്ചോറിന്റെ ആരോഗ്യവുമായി ബന്ധപ്പെട്ട് സ്വപ്നങ്ങൾക്കുള്ള പങ്കിനെക്കുറിച്ചും വളരെ പരിമിതമായ അറിവ് മാത്രമേ നമുക്കുള്ളൂ. തലച്ചോറിന്റെ ആരോഗ്യസ്ഥിതി മനസിലാക്കാൻ സ്വപ്നങ്ങളിലൂടെ കഴിയുമെന്ന് പഠനങ്ങൾ […]

കൊച്ചി: മട്ടാഞ്ചേരിയിൽ ലക്ഷങ്ങൾ വിലവരുന്ന അരക്കിലോയോളം എംഡിഎംഎയുമായി യുവാവ് പിടിയിൽ. കൂവപ്പാടം സ്വദേശി ശ്രീനിഷ് പിടിയിലായത്. ഇയാളുടെ കൈയ്യിൽ നിന്ന് 20,000 രൂപയും പിടിച്ചെടുത്തു. മയക്കുമരുന്ന് വില്പന സംഘത്തിലെ പ്രധാനിയാണ് ശ്രീനിഷെന്ന് കൊച്ചി സിറ്റി പൊലീസ് പറയുന്നു. എറണാകുളത്ത് വ്യാപകമായി എംഡിഎംഎ ഉപയോഗിക്കുന്നുണ്ടെന്നാണ് കഴിഞ്ഞ ദിവസങ്ങളിലെല്ലാം നടന്ന അറസ്റ്റുകളിൽ വ്യക്തമാവുന്നത്. കഴിഞ്ഞ ദിവസം ആലുവ സ്വകാര്യ ബസ് സ്റ്റാൻഡിൽ നിർത്തിയിട്ട ബസുകളിൽ നിന്ന് മയക്കുമരുന്ന് പിടികൂടിയിരുന്നു. ബസ് കണ്ടക്ടർമാരായ പുളിഞ്ചോട് സ്വദേശി നിയാസ് , ഏലൂർ സ്വദേശി […]

ഡല്‍ഹി: സംസ്ഥാന മലിനീകരണ നിയന്ത്രണ ബോർഡ് ചെയർമാൻ നിയമനത്തിനെതിരെ സുപ്രീം കോടതിയിൽ ഹർജി. മലിനീകരണ നിയന്ത്രണ ബോർഡ് ചെയർമാനായുള്ള എ.ബി. പ്രദീപ് കുമാറിന്‍റെ നിയമനത്തിനെതിരെയായിരുന്നു ഹർജി. ചെയർമാനായി പ്രദീപ് കുമാറിനെ നിയമിച്ചത് നടപടിക്രമങ്ങൾ പാലിക്കാതെയാണെന്നാരോപിച്ച് തിരുവനന്തപുരം പൂജപ്പുര സ്വദേശി കെ. എസ്. ഗോവിന്ദൻ നായരാണ് സുപ്രീംകോടതിയിൽ ഹർജി നൽകിയത്. 23 അപേക്ഷകൾ ലഭിച്ചതിൽ ഹർജിക്കാരനടക്കം മതിയായ യോഗ്യതയുള്ള 17 പേരെ കണ്ടെത്തിയെങ്കിലും എട്ടുപേരെ മാത്രമാണ് ഇൻറർവ്യൂവിന് വിളിച്ചതെന്ന് ഹർജിയിൽ ആരോപിക്കുന്നു. മതിയായ യോഗ്യതയുള്ളവരെ ഇൻ്റർവ്യൂ നടത്താതെ ഒഴിവാക്കാൻ […]

പാൻ ഇന്ത്യൻ താരമായി തിളങ്ങുന്ന ദുൽഖർ സൽമാൻ ആദ്യമായി അഭിനയിക്കുന്ന ബോളിവുഡ് വെബ് സീരിസ് ഗൺസ് ആൻഡ് ഗുലാബ്സ് ടീസർ എത്തി. ഫാമിലിമാൻ വെബ് സീരിസുകളുടെ സൃഷ്ടാക്കളായ രാജ് ആൻഡ് ഡികെ സംവിധാനം ചെയ്യുന്ന സീരിസ് നെറ്റ് ഫ്ളിക്സിലൂടെയാണ് റിലീസ്. ദുൽഖർ സൽമാൻ ,രാജ് കുമാർറാവു, ഗൗരവ് ആദർശ് എന്നിവരു‌ടെ മൂന്ന് പ്രധാന കഥാപാത്രങ്ങളെ കേന്ദ്രീകരിച്ച് കോമഡി ത്രില്ലറാണ് ഗൺസ് ആൻഡ് ഗുലാബ്സ്.ടീസറിൽ ദുൽഖകർ തിളങ്ങുമ്പോൾ വൻ പ്രതീക്ഷ പുലർത്തുകയാണ് ആരാധകർ.

റിയാദ് : പ്രവാസി പ്രശ്നങ്ങളിൽ കേന്ദ്ര, സംസ്ഥാന സർക്കാരുകൾ കാര്യക്ഷമമായി ഇടപ്പെടുന്നില്ലെന്നും, പദ്ധതികൾ കേവലം പ്രഖ്യാപനത്തിൽ മാത്രമൊതുങ്ങുകയാണെന്നും ബേപ്പൂർ മണ്ഡലം ഗ്ലോബൽ കെഎംസിസി ആരോപിച്ചു. സാധാരണക്കാരായ പ്രവാസികൾ നേരിടുന്ന പ്രശ്നങ്ങൾ അനവധിയാണ്. തിരിച്ചു വന്ന പ്രവാസികൾ പലരും രൂക്ഷമായ പ്രതിസന്ധിയെയാണ് നേരിടുന്നത്. പ്രവാസി വിഷയങ്ങളിൽ കൂടുതൽ പഠനവും പരിഹാരവും കാണാൻ അധികൃതർ മുന്നോട്ട് വരണമെന്നും യോഗം ആവശ്യപ്പെട്ടു. പ്രസിഡന്റ് അഷ്‌റഫ് വേങ്ങാട്ട് അധ്യക്ഷത വഹിച്ചു. ചെയർമാൻ അബ്ദുൽ അസീസ് കറുത്തേടത്ത് ഉദ്‌ഘാടനം ചെയ്തു. വാർഷിക റിപ്പോർട്ടും വരവ് […]

കൊച്ചി: ഒക്‌ടോബര്‍ 2 ഞായറാഴ്ച കത്തോലിക്കാ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ച് കെസിബിസി. ഞായറാഴ്ചയായതിനാൽ രൂപതകളില്‍ വിശ്വാസ പരിശീലനത്തിന്റെ ഭാഗമായുള്ള പരീക്ഷകള്‍ നടക്കുന്നതിനാലും ആചാരാനുഷ്ഠാനങ്ങളില്‍ കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും പങ്കെടുക്കേണ്ടതുള്ളതിനാലുമാണ് അവധി പ്രഖ്യാപിക്കുന്നതെന്ന് കെസിബിസി അറിയിച്ചു. ഒക്‌ടോബര്‍ 2 ഗാന്ധിജയന്തി ദിനത്തില്‍ അധ്യാപകരും വിദ്യാര്‍ഥികളും രക്ഷിതാക്കളും വിദ്യാലയങ്ങളില്‍ വന്ന് ലഹരിവിരുദ്ധ ബോധവത്കരണ പരിപാടി സംഘടിപ്പിക്കണമെന്ന സര്‍ക്കാര്‍ നിര്‍ദേശം മറ്റൊരു ദിവസം ആചരിച്ച് സര്‍ക്കാർ നിര്‍ദേശത്തോട് സഹകരിക്കണമെന്നും കെസിബിസി അറിയിച്ചു.

error: Content is protected !!