ന്യൂസ് ബ്യൂറോ, കോട്ടയം

വല്യ നേതാവാണ്. പക്ഷേ, തദ്ദേശ തെരഞ്ഞെടുപ്പിൽ നോട്ട മാറ്റിയത് അറിഞ്ഞില്ല. വോട്ടിങ് മെഷീനില്‍ നോട്ടയില്ലാത്തതിനെതിരെ പ്രതികരിച്ച പി.സി ജോര്‍ജിനെ ട്രോളി സോഷ്യൽ മീഡിയ. ബാലറ്റിൽ ‘നോട്ട’ എന്ന ഓപ്ഷൻ ഇല്ല. പകരം ഗ്രാമ, ബ്ലോക്ക്, ജില്ലാപഞ്ചായത്ത് സ്ഥാനാർഥികളിൽ ആർക്കും വോട്ടുചെയ്യാൻ താത്‌പര്യമില്ലെങ്കിൽ ‘എൻഡ്’ ബട്ടൺ അമർത്തി മടങ്ങാം

യു.ഡി.എഫ് കണ്‍വീനര്‍ അടൂര്‍ പ്രകാശ് ഇ.പി ജയരാജന്റെ പാതയിലോ. നിര്‍ണായക തെരഞ്ഞെടുപ്പ് ദിവസം യു.ഡി.എഫിനെ വെട്ടിലാക്കി അടൂര്‍ പ്രകാശിന്റെ ദിലീപിനെ പിന്തുച്ചുള്ള പ്രസ്താവന. കോണ്‍ഗ്രസ് നേതാക്കള്‍ക്കിടയില്‍ കടുത്ത അമര്‍ഷം. സ്ഥിരം പ്രശ്‌നങ്ങള്‍ സൃഷ്ടിച്ചിരുന്ന ഇ.പി ഇക്കുറി ഏറെക്കുറേ സമാധാനത്തിന്റെ പാതയില്‍.

തദ്ദേശ തിരഞ്ഞെടുപ്പിൽ ജനഹിതം യുഡിഎഫിനൊപ്പമെന്ന് തിരുവഞ്ചൂർ രാധാകൃഷ്ണൻ എംഎൽഎ. പിൻവാതിൽ നിയമനം, ശബരിമല വിഷയം തുടങ്ങിയവയെല്ലാം ജനമനസിൽ ഉണ്ട്. അവർ തീർച്ചയായും പ്രതികരിക്കും.

പാമ്പാടി എം.ജി.എം. ഹൈസ്‌കൂളിലെ ഒന്നാം നമ്പര്‍ ബൂത്തില്‍ എത്തി വോട്ടു രേഖപ്പെടുത്തി മന്ത്രി വി.എന്‍ വാസവന്‍. മന്ത്രി എത്തിയതു കുടുംബത്തോടൊപ്പം..യു.ഡി.എഫ് കണ്‍വീനര്‍ പല പ്രശ്‌നങ്ങളിലും  സ്ത്രീ വിരുദ്ധ സമീപനങ്ങള്‍ സ്വീകരിച്ചിട്ടുള്ളയാളെന്നു മന്ത്രി.

40 % കടന്നു കോട്ടയത്തെ പോളിങ്. രാവിലെ വോട്ട് ചെയ്യാന്‍ എത്തിയവരില്‍ ഏറെയും പുരുഷന്‍മാര്‍. ഉച്ചയ്ക്കു ശേഷം സ്ത്രീകള്‍ കൂടുതലായി എത്തുമെന്നു പ്രതീക്ഷ.

മതപരിവര്‍ത്തന നിരോധിത നിയമത്തിന്റെ സാധുത ചോദ്യം ചെയ്തുള്ള ഹര്‍ജിയില്‍ രാജസ്ഥാന്‍ സര്‍ക്കാരിനു സുപ്രിം കോടതി നോട്ടീസയച്ചതില്‍ പ്രതീക്ഷവെച്ച് ക്രൈ്‌സതവ സഭകള്‍.  ഒരു വ്യക്തിയുടെ വ്യക്തിസ്വാതന്ത്ര്യത്തെ അടിച്ചമര്‍ത്താനും വ്യക്തിയുടെ തെരഞ്ഞെടുക്കാനുള്ള സ്വാതന്ത്ര്യത്തിനും മതസ്വാതന്ത്ര്യത്തിനുമുള്ള അവകാശത്തിനുമേലുള്ള കടന്നുകയറ്റമായി മതപരിവര്‍ത്തന നിരോധിത നിയമം. നിയമം ചൂഷണം ചെയ്തു വൈദികരെ കുടക്കുന്ന സംഭവങ്ങള്‍ ആവര്‍ത്തിക്കാതിരിക്കാന്‍ സുപ്രീം കോടതി ഇടപെടല്‍ നിര്‍ണായകം

എൽ.ഡി.എഫ് ഇക്കുറി വലിയ മുന്നേറ്റം നടത്തുമെന്നും പാലാ നഗരസഭയിൽ കഴിഞ്ഞ തവണത്തേക്കാൾ മികച്ച വിജയം നേടുമെന്നും ജോസ് കെ. മാണി എം.പി. ജില്ലാ പഞ്ചായത്തിലും മികച്ച വിജയം നേടും. കഴിഞ്ഞ ഒന്നര മാസമായുള്ള പ്രവർത്തനം ഫലം കാണും.

പ്രശ്നങ്ങളും തടസങ്ങളും ഇല്ല.ആദ്യ മണിക്കൂറിൽ കോട്ടയം ജില്ലയിൽ 8 ശതമാനം പോളിങ്.നഗരസഭകളിൽ എറ്റവും മികച്ച പോളിങ്ങ് ഈരാറ്റുപേട്ടയിൽ. ഏറ്റവും കൂടുതൽ പേർ വോട്ട് ചെയ്തത് കോട്ടയത്ത്.

ജനം പോളിങ് ബൂത്തിലേക്ക്. ആദ്യ മണിക്കൂറിൽ മികച്ച പോളിങ്ങ്. നെഞ്ചിടിപ്പോടെ സ്ഥാനാര്‍ഥികള്‍. വിശ്രമമില്ലാതെ വോട്ടര്‍മാരെ നേരില്‍ കണ്ട് വോട്ട് അഭ്യര്‍ഥന ഫലം കാണുമെന്നു പ്രതീക്ഷ