ന്യൂസ് ബ്യൂറോ, തിരുവനന്തപുരം

അഴിമതിയിൽ മുങ്ങി റവന്യൂ വകുപ്പിന്റെ ഭൂമി തരംമാറ്റൽ പദ്ധതി. കളക്ടർ തടഞ്ഞിട്ടും നെൽവയൽ തരംമാറ്റി ആർ.ഡി.ഒ ഉത്തരവിറക്കി. കൃഷി ഓഫീസറുടെ റിപ്പോർട്ടില്ലാതെ ഡേറ്റാ ബാങ്കിൽ ഉൾപ്പെട്ട ഭൂമി കരഭൂമിയാക്കി മാറ്റിയത് ആർ.ഡി.ഒ. എല്ലാ അപേക്ഷകളിലെയും ഫോൺ നമ്പർ ഏജന്റുമാരുടേത്. മൂവാറ്റുപുഴ ആ‌ർ.ഡി.ഒയിലെ ഉദ്യോഗസ്ഥന്റെ ഗൂഗിൾ പേയിൽ ഏജന്റിന്റെ 4.59ലക്ഷം. ഉന്നത ഉദ്യോഗസ്ഥന് കിട്ടിയത് 11.69ലക്ഷം. ഭൂമി തരംമാറ്റലിന്റെ മറവിൽ കോടികളുടെ കൈക്കൂലി

27 റവന്യൂ ഡിവിഷണൽ ഓഫീസുകളിലും 32 ഡെപ്യൂട്ടി കളക്ടർമാരുടെ ഓഫീസുകളിലുമായിരുന്നു റെയ്ഡ്. ദശലക്ഷക്കണക്കിന് രൂപയുടെ കോഴയിടപാടുകളാണ് വിജിലൻസ് കണ്ടെത്തിയത്.