National Crime Records Bureau (NCRB) പുറത്തുവിട്ട ഞെട്ടിക്കുന്ന കണക്കുകൾ ഇതാ :-
ഭാരതത്തിൽ ഒരു ദിവസം ശരാശരി 107 സ്ത്രീകൾ/ പെൺകുട്ടികൾ ബലാൽസംഗത്തിരകളാകുന്നു. അതായത് ഓരോ മണിക്കൂറിലും 4 ബാലാത്സംഗങ്ങൾ ..ചിലപ്പോൾ അതിലും കൂടുതൽ.
നമ്മുടെ ജനസംഖ്യയുടെ പകുതിവരുന്ന സ്ത്രീകൾ, പുരുഷന്മാരാൽ അനുഭവിക്കുന്ന യാതനകളുടെ കണക്കുകൾ വളരെയേറെ ഞെട്ടിക്കുന്നവയാണ്.
ഭർത്താക്കന്മാരും ബന്ധുക്കളും മൂലമുണ്ടാകുന്ന സ്ത്രീപീഡനങ്ങൾ 36.6 % ആണ്. സ്ത്രീകളുടെ ദൗർബല്യം ( വിനയം,ബഹുമാനം) മുതലെടുത്ത് ( assault on a woman with intent to outrage her modesty ) വിവിധ ആക്രമണങ്ങൾക്ക് വിധേയരാകുന്നവർ 25 % ആണ്.
സ്ത്രീകളെ തട്ടിക്കൊണ്ടുപോകുന്നത് 19%. റേപ്പ് 11.5 %. റേപ്പ് കേസുകളിൽ 43.2 % വും 18 വയസ്സിൽത്താഴെയുള്ള പെൺകുട്ടികളാണ് ഇരകൾ.
ദക്ഷിണേന്ത്യയെ അപേക്ഷിച്ച് ഉത്തരഭാരതത്തിലാണ് അതിക്രമങ്ങൾ കൂടുതൽ.Thompson Reuters Foundation കഴിഞ്ഞവർഷം പുറത്തുവിട്ട റിപ്പോർട്ടുകൾ പ്രകാരം സ്ത്രീകളുടെ സുരക്ഷയെ സംബന്ധിച്ചിടത്തോളം ലോകത്തേറ്റവും അപകടകരമായ രാജ്യം ഇന്ത്യയാണത്രേ.
നാമോരുത്തരും സ്വയം പരിശോധിക്കട്ടെ ഇന്ത്യയിൽ സുരക്ഷിതരും സന്തോഷവതികളുമായ സ്ത്രീകളുടെ ശതമാനം എത്രയെന്ന് ?