/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/s6wG4VFbkyL3TejrfPr4.jpg)
കേരളാ മന്ത്രിസഭാ പുനഃസംഘടനക്ക് ഇടതുമുന്നണിയുടെ അംഗീകാരം. കേരളാ കോണ്ഗ്രസ് (ബി) എംഎല്എ ഗണേഷ് കുമാറും രാമചന്ദ്രന് കടന്നപ്പള്ളിയും മന്ത്രിമാരാകുമെന്ന് ഇടത് മുന്നണി കണ്വീനര് ഇ പി ജയരാജന് പറഞ്ഞു.
മന്ത്രിസഭാ പുനഃസംഘടനയുടെ കൃത്യമായ തീയ്യതി അറിയിക്കണമെന്ന് കേരളാ കോണ്ഗ്രസ് ആവശ്യപ്പെട്ടു. ഇതോടെ നവകേരള സദസിന് ശേഷം മാത്രമേ മന്ത്രിസഭാ പുനഃസംഘടന നടക്കൂവെന്ന് മുഖ്യമന്ത്രി പിണറായി വിജയന് മറുപടി നല്കി. ഡിസംബര് അവസാനത്തോടെ മന്ത്രിസഭാ പുനഃസംഘടന നടപ്പാക്കാനാണ് തീരുമാനം. ഈ മാസം 18നാണ് നവകേരള സദസ് ആരംഭിക്കുന്നത്.
ആദ്യ രണ്ടര വര്ഷം കെ കൃഷ്ണന്കുട്ടി, ആന്റണി രാജു എന്നിവര്ക്കും രണ്ടാമത്തെ രണ്ടര വര്ഷം ഗണേഷ് കുമാറിനും രാമചന്ദ്രന് കടന്നപ്പള്ളിക്കും മന്ത്രിസ്ഥാനം നല്കുമെന്നത് എല്ഡിഎഫ് നേതൃത്വം നേരത്തെ നല്കിയ ഉറപ്പാണ്. ഇതാണ് ഇടത് മുന്നണി പാലിക്കാനൊരുങ്ങുന്നത്.
രണ്ടാം പിണറായി സര്ക്കാരിന്റെ മന്ത്രിസഭ രൂപീകരണ സമയത്തുണ്ടായ ധാരണപ്രകാരം നവംബര് 25നകമാണ് മന്ത്രിസഭ പുനഃസംഘടന നടക്കേണ്ടത്. ഇതിന് മുമ്പേ പുനഃസംഘടന വേണമെന്നാവശ്യപ്പെട്ട് കേരള കോണ്ഗ്രസ് ബി, മുന്നണി നേതൃത്വത്തിന് കത്ത് നല്കിയിരുന്നു. എന്നാല്, ഭരണത്തിന്റെ വിലയിരുത്തില് പ്രധാനമായത് കൊണ്ട്, നിലവിലെ എല്ലാ മന്ത്രിമാരും പരിപാടിയില് വേണമെന്ന അഭിപ്രായമാണ് അന്ന് ഉയര്ന്നത്.