താമരശ്ശേരി: കടിപ്പാറ പഞ്ചായത്ത് നാലാം വാർഡിലെ ചമൽ വള്ളുവർക്കുന്ന് ആദിവാസി കോളനിക്ക് സമീപം നടുക്കുന്നുമ്മൽ അംഗനവാടിയിലായിരുന്നു രാത്രിയായിട്ടും ദേശീയ പതാക താഴ്ത്താതിരുന്നത്.
അംഗനവാടി ടീച്ചറായ ശാരദയും, ഹെൽപ്പർ രജനിയും പതാക ഉയർത്തി സ്ഥലം വിടുകയായിരുന്നു. രാത്രി പതാക താഴ്ത്താത്തത് ശ്രദ്ധയിൽപ്പെട്ടതിനെ തുടർന്ന് സമീപവാസികൾ പോലീസിൽ വിവരമറിയിച്ചു.
താമരശ്ശേരി പോലീസ് സ്ഥലത്തെത്തി രാത്രി 8 മണിക്ക് പതാക താഴ്ത്തി. ദേശീയപതാകയോട് അനാദരവ് കാട്ടിയതിനാണ് ജീവനക്കാർക്ക് എതിരെ കേസെടുത്തത്.