കുട്ടികളുമായുള്ള സെക്സിനു വേണ്ടി ഏഷ്യന് രാജ്യങ്ങളിലേക്ക് യാത്ര ചെയ്തിരുന്നതായി വെളിപ്പെടുത്തി ഫ്രഞ്ച് എഴുത്തുകാരന് ഗബ്രിയേല് മാറ്റ്സ്നെഫ്. അതില് ഇപ്പോള് പശ്ചാത്തപിക്കുന്നുവെന്നും മാറ്റ്സ്ഡനെഫ് ഒരു അഭിമുഖത്തില് പറഞ്ഞു. അന്ന് അതൊന്നും കുറ്റമാണെന്ന് ആരും പറഞ്ഞില്ലെന്നും അദ്ദേഹം പറയുന്നു.
പ്രായപൂര്ത്തിയാകാത്ത പെണ്കുട്ടികളോടും ആണ്കുട്ടികളോടുമുളള ലൈംഗിക താത്പര്യത്തെക്കുറിച്ച് ഗബ്രിയല് ഒരിക്കലും മറച്ചുവെച്ചിട്ടില്ല. സെക്സിന് വേണ്ടി താന് യാത്രകള് ചെയ്തിരുന്നു. ഒരിക്കലും ഒരു ടൂറിസ്റ്റ് അങ്ങനെ പെരുമാറാന് പാടില്ലായിരുന്നു എന്നും 83-കാരനായ ഗബ്രിയല് പറഞ്ഞു.
പതിനാലാം വയസില് തന്നെ ദുരുപയോഗം ചെയ്ത ഗബ്രിയലിനെ കുറിച്ച് ഒരു ഫ്രഞ്ച് എഡിറ്ററിന്റെ തുറന്നുപറച്ചിലിനെ തുടര്ന്നാണ് ഇയാള്ക്കെതിരേ പൊലീസ് അന്വേഷണം നടത്തിയത്. സ്കൂള് വിട്ടുവരുന്ന തന്നെയും കാത്ത് പുറത്ത് അയാള് നില്ക്കുമായിരുന്നു എന്നും ശേഷം ഹോട്ടലില്കൊണ്ടുപോയി ചൂഷണം ചെയ്യുമായിരുന്നു എന്നും അവര് തുറന്നെഴുതി. ഇവരുടെ വെളിപ്പെടുത്തലിന് ശേഷം ഇയാള്ക്കെതിരെ ഫ്രഞ്ച് പൊലീസ് കേസെടുത്തിരുന്നു.