Advertisment

താരനെ തുരത്താൻ ആര്യവേപ്പ്

New Update

താരന്‍ അകറ്റാന്‍ പല മാര്‍ഗങ്ങളും തേടുന്നവരുണ്ട്. മിക്കപ്പോഴും ഒരിക്കല്‍ വന്നാല്‍, പിന്നീട് ഒഴിഞ്ഞുമാറാത്ത വിധം ചേര്‍ന്നുനില്‍ക്കുന്ന പ്രശ്‌നമായി താരന്‍ മാറാറുണ്ട്. ഇത് മുടിയെ മാത്രമല്ല- ആത്മവിശ്വാസത്തിനെ വരെ ബാധിക്കാറുണ്ടെന്ന് പരാതിപ്പെടുന്നവരും ഏറെയാണ്.

Advertisment

publive-image

ആര്യവേപ്പില ഉപയോഗിച്ച് എണ്ണ തയ്യാറാക്കാം. സാധാരണ വെളിച്ചെണ്ണയിലേക്ക് അല്‍പം വേപ്പില ചേര്‍ത്ത് ചൂടാക്കിയെടുക്കണം. ഏറ്റവും ഒടുവിലായി ഏതാനും തുള്ളി ചെറുനാരങ്ങാനീര് കൂടി ചേര്‍ക്കാം. ഇത് മുടിയില്‍ തേച്ച ശേഷം വെയില് കൊള്ളാതിരിക്കാന്‍ പ്രത്യേകം ശ്രദ്ധിക്കുക. രാത്രിയില്‍ തേച്ചുവച്ച ശേഷം രാവിലെ കഴുകുന്നതാണ് ഉചിതം.

ആര്യവേപ്പില പുറമേക്ക് ഉപയോഗിക്കുക മാത്രമല്ല, അത് അകത്തേക്കും എടുക്കാം. രാവിലെ അല്‍പം വേപ്പില കടിച്ച് ചവച്ച് നീരിറക്കണം. കയ്പുള്ളതിനാല്‍ ആവശ്യമെങ്കില്‍ അല്‍പം തേനും ചേര്‍ക്കാം. അതല്ലെങ്കില്‍ ഇലയിട്ട് തിളപ്പിച്ച് അരിച്ചെടുത്ത വെള്ളം കുടിച്ചാലും മതി. ഇതും താരന് ശമനമുണ്ടാക്കും.

താരന്‍ പോകാന്‍ മറ്റൊരു നല്ല പരീക്ഷണമാണ് തൈരും ആര്യവേപ്പിലയും. വേപ്പില അരച്ച് പേസ്റ്റ് പരുവത്തിലാക്കി അതില്‍ തൈരും കൂട്ടിച്ചേര്‍ക്കുക. ശേഷം ഈ മിശ്രിതം തലയോട്ടിയില്‍ നന്നായി തേച്ചുപിടിപ്പിക്കാം. 15-20 മിനുറ്റിന് ശേഷം കഴുകിക്കളയാം.

HEALTH TIPS DRANDRUFF
Advertisment