ആകാശത്തുനിന്ന് മുല്ലമൊട്ടുകൾപോലെയും പഞ്ഞിക്കഷണങ്ങൾ പോലെയും ഭൂമിയിലേക്ക് പറന്നുവീഴുന്ന വെളുത്ത മഞ്ഞിൻകണികകൾ യൂറോപ്യൻ നാടുകളിലെയും ഭാരതത്തിലെ കാശ്മീർ, ഹിമാചൽ പ്രദേശ് സംസ്ഥാനങ്ങളിലെയും ശൈത്യകാല കാഴ്ചയാണ്.
നമ്മുടെ നാട്ടിലും വല്ലപ്പോഴും വെളുത്ത മഞ്ഞുകട്ടകൾ (ആലിപ്പഴം ) മഴയ്ക്കൊപ്പം ഭൂമിയിൽ പതിക്കാറുണ്ട്. അതെല്ലാം വെള്ളനിറവുമാണ്. എന്നാൽ കറുത്ത നിറത്തിലുള്ള മഞ്ഞുവീഴ്ചയെപ്പറ്റി കേട്ടിട്ടുണ്ടോ ? ഉണ്ട് അത്തരമൊരു പ്രതിഭാസവും ഈ ഭൂമിയിൽ ..
ലോകത്ത് ഏറ്റവും കൂടുതൽ തണുപ്പേറിയ രാജ്യമായ സൈബീരിയായിലാണ് കറുത്ത മഞ്ഞുവീണുകൊ ണ്ടിരിക്കുന്നത്. തെക്കുപടിഞ്ഞാറൻ സൈബീരിയയിലെ Prokopyevsk, Kiselyovsk, Leninsk-Kuznetsky എന്നീ നഗരങ്ങളിലാണ് ഇതിന്റെ രൂക്ഷത കൂടുതൽ.
ആളുകൾ വളരെ പരിഭ്രാന്തിയിലാണ്.മഞ്ഞുവീണു കറുത്തു കരിക്കട്ട പോലെയായി നാടും നഗരവും റോഡുകളുമെല്ലാം. നാം കാണാനാഗ്രഹിക്കാത്ത ഒരു ദൃശ്യമാണിത്. തന്മൂലം ഇവിടെയുള്ള 26 ലക്ഷം ജനങ്ങൾ ഇപ്പോഴും ഭീതിയിലാണ്.
ഇതെന്തുകൊണ്ട് സംഭവിക്കുന്നു എന്നുവച്ചാൽ ......
ലോകത്ത് ഏറ്റവും കൂടുതൽ കൽക്കരി ഖനികളുള്ളത് Prokopyevsk, Kiselyovsk, and Leninsk-Kuznetsky എന്നീ മൂന്നു നഗരപ്രദേശങ്ങളിലാണ്. എല്ലാം തുറസ്സായ ഖനികളും. ലോകത്തെ ഏറ്റവും വലിയ ഓപ്പൺ കാസ്റ്റ് മൈൻ ( തുറസ്സായ കൽക്കരി ഖനി) Kuznetsk Basin സൈബീരിയായിലാണ്. അശാസ്ത്രീയമായ ഖനനമാണ് അവിടെല്ലാം നടക്കുന്നത്. തുറസ്സായ ധാരാളം ഖനികളിൽ നടക്കുന്ന ഇത്തരം ഖനനം മൂലം അന്തരീക്ഷമാകെ കറുത്ത പൊടിപൊടലം നിറഞ്ഞിരിക്കുകയാണ്. ഇതാണ് കറുത്ത മഞ്ഞുവീഴാനുള്ള ഏക കാരണം.
ഇക്കാര്യങ്ങൾ സർക്കാരും അധികൃതരും പുറംലോകമറിയാതെ സെൻസർഷിപ്പ് വഴി പരമാവധി തടഞ്ഞുവച്ചിരിക്കുക യായിരുന്നു. എന്നാൽ ഇപ്പോൾ നിരവധി എൻ.ജി.യോ കളും ഒപ്പം സംഘടനകളും ഇവിടെ നടക്കുന്ന കറുത്ത മഞ്ഞുവീഴ്ചയുടെ രൂക്ഷതയും വിവരങ്ങളും പ്രത്യാഘാതങ്ങളും ലോകത്തെ ചിത്രങ്ങൾ വഴി അനുദിനം അറിയിച്ചുകൊണ്ടിരിക്കുകയാണ്.
TB , ക്യാൻസർ, ശ്വാസകോശസംബന്ധമായ രോഗങ്ങൾ എല്ലാം ഇവിടെ ദേശീയ ശരാശരിയിലും കൂടുതലാണ്. ജനങ്ങളുടെ ആയുർദൈർഘ്യം ദേശീയ ശരാശരിയേക്കാൾ 5 വര്ഷം കുറവും.
അശാസ്ത്രീയമായ കൽക്കരിഖനനവും , തെർമൽ പവർ സ്റ്റേഷനുകളും അടച്ചുപൂട്ടാതെ വരും നാളുകളിൽ ഇവിടെ ജീവിക്കുക ദുഷ്ക്കരമാണെന്നാണ് പാരിസ്ഥിതിവാദികൾ അഭിപ്രായപ്പെടുന്നത്.