ആലപ്പുഴ: പ്രതിപക്ഷ നേതാവ് രമേശ് ചെന്നിത്തലയ്ക്കെതിരെ ആലപ്പുഴ ഡിസിസി പ്രസിഡൻ്റ് എം. ലിജു അശ്ലീല പദപ്രയോഗം നടത്തിയെന്ന് വ്യാജപ്രചാരണം. സാമൂഹ്യമാധ്യമങ്ങളിൽ പ്രചരിക്കുന്ന ഓഡിയോ വ്യാജമാണെന്നും സിപിഎം നേതാക്കളാണ് ഇതിൻ്റെ പിന്നിലെന്നും ആരോപിച്ച് എം. ലിജു ഡിജിപിക്ക് പരാതി നൽകി.
ടെലിവിഷൻ ചർച്ചകളിൽ സിപിഎമ്മിൻ്റെ സൈബർ ആക്രമണത്തെക്കുറിച്ച് സംസാരിച്ചതിനു പിന്നാലെയാണ് തനിക്കെതിരെയുള്ള ദുഷ്പ്രചാരണമെന്ന് ലിജു ആരോപിച്ചു. സിപിഎമ്മിൻ്റെ മാധ്യമ സമീപനം എന്ത് എന്ന വിഷയത്തിൽ അഭിപ്രായം പറഞ്ഞതിലുള്ള രാഷ്ട്രീയ വൈരാഗ്യമാണ് ഇതിനു പിന്നിലെന്നും ഡിസിസി പ്രസിഡൻ്റ് പറഞ്ഞു.