മൊബൈല്‍ ആപ്പ് വഴി വായ്പാ തട്ടിപ്പ് ;തെലങ്കാനിയിലും ഡല്‍ഹിയിലുമായി 17 പേരെ അറസ്റ്റ് ചെയ്തു

ബെം​ഗളൂരു: മൊബൈല്‍ ആപ്പ് വഴിയുള്ള വായ്പാ തട്ടിപ്പുമായി ബന്ധപ്പെട്ട് തെലങ്കാനിയിലും ഡല്‍ഹിയിലുമായി 17 പേരെ അറസ്റ്റ് ചെയ്തു. കമ്പനികളുടെ അക്കൗണ്ടുകള്‍ മരവിപ്പിക്കുകയുണ്ടായി. കര്‍ണാടകയില്‍ 3 കേസുകള്‍ രജിസ്റ്റര്‍ ചെയ്തിരിക്കുകയാണ്.

നിയമവിരുദ്ധമായി പ്രവര്‍ത്തിക്കുന്ന ഇത്തരം ആപ്പുകളെ പറ്റി റിസര്‍വ് ബാങ്ക് നേരത്തെ മുന്നറിയിപ്പ് നല്‍കിയിരുന്നതാണ്.

അമിത പലിശയീടാക്കി ആപ്പുകള്‍ വഴി എളുപ്പത്തില്‍ വായ്പ നല്‍കുന്ന 30 കമ്പനികള്‍ സംസ്ഥാനത്ത് പ്രവര്‍ത്തിക്കുന്നുണ്ടെന്നാണ് ഹൈദരാബാദ് പോലീസ് കണ്ടെത്തുകയുണ്ടായത്. ഈ കമ്പനികളുടെ ഉടമസ്ഥതയിലുള്ള 75 അക്കൗണ്ടുകള്‍ മരവിപ്പിച്ചു.