മുബൈ: മഹാരാഷ്ട്ര മുഖ്യമന്ത്രി ഉദ്ധവ് താക്കറയെ തല്ലുമെന്ന പ്രസ്താവനയില് കുടുങ്ങി കേന്ദ്രമന്ത്രി നാരായണ് റാണെ. നാരായണ് റാണെയെ മഹാരാഷ്ട്രാ പൊലീസ് അറസ്റ്റ് ചെയ്തത് ഉച്ചഭക്ഷണം കഴിക്കുന്നതിനിടെയാണെന്നാണ് റിപ്പോര്ട്ട്. റാണെ ഭക്ഷണം കഴിക്കുന്നതിനിടെ അറസ്റ്റ് ചെയ്യാനെത്തിയ പൊലീസ് ഉദ്യോഗസ്ഥരെ അദ്ദേഹത്തിന്റെ അനുയായികള് തടയാന് ശ്രമിക്കുന്ന ദൃശ്യങ്ങളും വീഡിയോയിലുണ്ട്.
ഉദ്ധവ് താക്കറെയ്ക്ക് ഇന്ത്യയ്ക്ക് സ്വാതന്ത്യം കിട്ടിയ വര്ഷം പോലും അറിയില്ല. ഒരു പ്രസംഗത്തില് അദ്ദേഹം അത് മറന്നുപോയി. താന് അവിടെ ഉണ്ടായിരുന്നെങ്കില് അദ്ദേഹത്തെ തല്ലുമായിരുന്നു എന്നായിരുന്നു നാരായണ് റാണെയുടെ വിവാദ പ്രസ്താവന.