തിങ്കളാഴ്ച ഓവൽ മൈതാനത്ത് ടെസ്റ്റ് മാച്ച് ജയിച്ചശേഷം ഇംഗ്ലീഷ് ടീം ആരാധകർക്കുനേരേ ഇന്ത്യൻ ക്യാപ്റ്റൻ വിരാട്ട് കോഹ്ലി നടത്തിയ ഈ വ്യംഗ്യ സിഗ്നൽ വലിയ വിവാദങ്ങൾക്ക് തുടക്കമായിരിക്കുന്നു.
ഇംഗ്ലണ്ട് ടീമിന്റെ ആരാധകരായ Barmy Army എന്ന കാണികളുടെ ഗ്രൂപ്പ് മാച്ചിലുടനീളം ഇന്ത്യൻ ടീമംഗങ്ങളെ ട്രോളുന്നുണ്ടായിരുന്നു. പലപ്പോഴും അവരുടെ കമന്റുകൾ അതിരുവിടുന്നതുമായിരുന്നു. അതുകൊണ്ടുതന്നെ വിരാട്ട് കോഹ്ലി പലപ്പോഴും കളിക്കിടയിൽ ക്ഷുഭിതനായി കാണപ്പെട്ടു.
എന്നാൽ കോഹ്ലി ഇത്തരം അപക്വമായ പെരുമാറ്റത്തിലൂടെ ജന്റിൽമാൻ ഗെയിമിന്റെ അന്തഃസത്ത കളഞ്ഞുകുളിച്ചുവെന്നും മുൻകോപിയും എടുത്തുചാട്ടക്കാരനുമായ അദ്ദേഹത്തിൻ്റെ നടപടികൾ പലപ്പോഴും നിലവാരമില്ലാത്തതാണെന്നും ഒരു വിഭാഗം ക്രിക്കറ്റ് പ്രേമികൾ ആരോപിക്കുന്നു.
മറിച്ച് കോഹ്ലിയുടെ ഈ നടപടിയെ ഇന്ത്യയിലെ മുൻതാരങ്ങളുൾപ്പെടെ പലരും ന്യായീകരിക്കുന്നുമുണ്ട്.