ചിത്രങ്ങളിൽ കാണുന്നത് പ്രശസ്തയായ ബംഗ്ലാദേശ് അഭിനേത്രി റെയ്മ ഇസ്ലാം ഷിമു (Raima-islam-shimu) ആണ്. ഇവർ കൊല്ലപ്പെട്ടിരിക്കുന്നു.
ഇക്കഴിഞ്ഞ ഞായറാഴ്ച രാവിലെ സിനിമാ ഷൂട്ടിംഗിനായി വീട്ടിൽനിന്നും പുറപ്പെട്ട അവർ രാത്രിയായിട്ടും മടങ്ങിവരാതിരുന്നതിനെത്തുടർന്ന് കുടുംബം കാലാബഗാൻ പോലീസ് സ്റ്റേഷനിൽ പരാതിപ്പെടുകയായിരുന്നു. അവരുടെ മൊബൈലും പ്രവര്ത്തിച്ചിരുന്നില്ല.
ഇന്നലെ രാവിലെ ധാക്കയ്ക്ക് സമീപമുള്ള ഹസരത്പൂർ പാലത്തിനടിയിൽ ഒരു ചാക്കിനുള്ളിൽ പൊതിഞ്ഞ നിലയിൽ അവരുടെ മൃതദേഹം പോലീസ് കണ്ടെത്തി.
മൃതദേഹത്തിന്റെ കഴുത്തിൽ ആഴത്തിലുള്ള മുറിവുണ്ടായിരുന്നു. ഇതുമായി ബന്ധപ്പെട്ട് അഭിനേത്രിയുടെ ഭർത്താവുൾപ്പെടെ 6 പേർ പോലീസ് കസ്റ്റഡിയിലാണ്.
1998 ൽ വർത്തമാൻ എന്ന സിനിമയിലൂടെ അഭിനയരംഗത്തെത്തിയ റെയ്മ ഇതുവരെ 25 സിനിമകളിലും നിരവധി ടി.വി സീരിയലുകളിലും അഭിനയിച്ചിട്ടുണ്ട്. നിരവധി സീരിയലുകൾ അവർ നിർമ്മിച്ചിട്ടുമുണ്ട്.