ദുബായിലെ മലയാളി ബിസ്സിനസ്സ്മാൻ സൂരജ് നമ്പ്യാരും ബംഗാൾ സ്വദേശിനിയും ബോളിവുഡ് അഭിനേത്രിയുമായ മൗനി റോയിയും തമ്മിലുള്ള വിവാഹം കഴിഞ്ഞ ദിവസം ഗോവയിൽ നടന്നു.
കേരളീയ ശൈലിയിലാണ് വിവാഹം നടന്നത്. തുടര്ന്ന് ഇന്നലെ രാത്രി ബംഗാൾ രീതിയിലും വിവാഹച ടങ്ങുകൾ നടത്തി. കോവിഡ് പ്രോട്ടോക്കോൾ പാലിച്ചുള്ള വിവാഹത്തിൽ വളരെ കുറച്ചുപേർ മാത്രമാണ് പങ്കെടുത്തത്. ബോളിവുഡിൽ നിന്നുള്ള ഏതാനും അഭിനേതാക്കളും സൂരജിന്റെ ബന്ധുക്കളും ചടങ്ങിലുകളിൽ പങ്കെടുത്തു.
2019 ലെ പുതുവത്സര ആഘോഷവേളയിൽ ദുബായിൽ വച്ചാണ് അവിടെ ഇൻവെസ്റ്റ്മെന്റ് ബാങ്കറായ സൂരജിനെ മൗനി റോയ് കണ്ടുമുട്ടുന്നത്. അവിടെ മൊട്ടിട്ട ഇരുവരുടെയും പ്രണയമാണ് ഇന്ന് പരിണയത്തിൽ കലാശിച്ചത്. ബോളിവുഡ് അഭിനേത്രി മന്ദിരാ ബേദിയാണ് ഇരുവർക്കും ഇടനിലക്കാരിയായി നിലകൊണ്ടത്.