കാവ്യകല്ലോലിനീ തീരത്തു ഞാനെന്റെ
സ്വർണ്ണ ഹംസങ്ങളേ കണ്ടുമുട്ടീ
അവയുടെ കൊഞ്ചലും കേട്ടുനിൽക്കേ മനം
രാഗമായ് താളമായ് പല്ലവിയായ്
കാവ്യകല്ലോലിനീ ആകാശനീലിമ ചാലിച്ചു
മഴവില്ലിൻ തൂലികയാൽ വാനം കഥയെഴുതീ
ജീവനകാമന കൈമാറി വന്നൊരീ
മണ്ണിന്റെ പ്രണയമതായിരിക്കാം
കാവ്യകല്ലോലിനീ
ഏതൊരു സംഗീത ശില്പി ചമച്ചൊരീ
സാഗര ശബ്ദതരംഗിണികൾ
ആയിരം കൈകളാൽ വിണ്ണിനെ പുൽകുവാൻ
മണ്ണിന്റെ മോഹമതായിരിക്കാം
കാവ്യകല്ലോലിനീ