രതിഭേദങ്ങൾ (കവിത)

ഹേ... മനുഷ്യാ,

പ്രണയം ഒരു ചങ്ങലയാണ്;

പരസ്പരം കോർത്തിടുന്നൊരു

വാഗ്ദാനമാണ്.

കൈക്കോർക്കുന്നതല്ല;

മനസ് ചേർക്കുന്നതാണ് പ്രണയം..!

ഉപാധികളില്ലാത്ത പ്രണയത്തിനു

കാട്ടുരതിയുടെ കുതിപ്പും കിതപ്പുമാണ്.

തെക്കോട്ടും വടക്കോട്ടും ചാഞ്ചാടുന്ന

നായ് രതികളിലും പ്രണയമുണ്ട്;

ആ രതി പൂർണ്ണമാകുന്നതോടെ

അസ്തമിക്കുന്ന പ്രണയം..!

വീണ്ടും അലഞ്ഞവ,

മറുനാളിൽ, മറുവഴികളിൽ

മറുപ്രണയങ്ങളെ തേടുന്നു;

രതിക്കുള്ള പ്രണയങ്ങളെ..!

നിന്നിലും കാട്ടുരതിയുടെ

കുതിപ്പും കിതപ്പുമാണെങ്കിൽ

നീയും അലയുക, പല വഴികളിൽ

രതിക്കുള്ള നിൻറെ പ്രണയങ്ങളെ..!