02
Sunday October 2022
Editorial

കോട്ടയം നഗരസഭയില്‍ ഇടതു മുന്നണി നേടിയ വിജയത്തിനു പിന്നിലെ കഥയെന്ത് ? കേരള സമൂഹത്തില്‍ നടന്നുകൊണ്ടിരിക്കുന്ന സാമൂഹ്യ മാറ്റങ്ങളുടെ പിന്നാമ്പുറ കഥകൾ തെളിഞ്ഞുവരുന്നു. ബി.ജെ.പിയുമായി ധാരണയുണ്ടാക്കി തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള തെരഞ്ഞെടുപ്പില്‍ പാലം പണിയുന്ന ചില നേതാക്കള്‍ സ്വന്തം കാര്യം നോക്കി ഒറ്റയാള്‍ തന്ത്രം കളിക്കുന്നു. തിരുവനന്തപുരം നഗരസഭയിലും കണ്ടത് ഇതു തന്നെ ! നിയമസഭാ തെരഞ്ഞെടുപ്പുകളില്‍ ചില നേതാക്കള്‍ ജയിച്ചുകയറി പോകുമ്പോള്‍ അതിനു പിന്നാമ്പുറത്ത് തദ്ദേശ തെരഞ്ഞെടുപ്പുകളില്‍ ബി.ജെ.പി നേടുന്ന ചില വിജയങ്ങളും കാരണമാകുന്നുണ്ടെന്ന് കോണ്‍ഗ്രസ് നേതൃത്വം കാണുന്നുണ്ടോ ആവോ ! – മുഖപ്രസംഗത്തില്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Saturday, September 25, 2021

കോട്ടയം നഗരസഭയില്‍ ഇടതു മുന്നണി നേടിയ വിജയത്തിനു പിന്നിലെ കഥയെന്താണ് ? കേരള സമൂഹത്തില്‍ നടന്നുകൊണ്ടിരിക്കുന്ന സാമൂഹ്യ മാറ്റങ്ങളുടെയൊക്കെ പിന്നാമ്പുറ കഥകളിലൊന്ന് ഇവിടെ തെളിഞ്ഞുവരുന്നു.

ബി.ജെ.പിക്ക് കോട്ടയം നഗരസഭയില്‍ എട്ടു സീറ്റാണുള്ളത്. കോണ്‍ഗ്രസിനും സി.പി.എമ്മിനും 22 സീറ്റ് വീതവും. ആകെ സീറ്റ് 52. ബി.ജെ.പിയുടെ എട്ടു സീറ്റ് നിര്‍ണായകമാവുകയാണ്.

കോട്ടയത്ത് ബി.ജെ.പിക്ക് എട്ടു നഗരസഭാ സീറ്റുകള്‍ കിട്ടിയതെങ്ങനെയെന്നതാണ് ഈ അന്വേഷണത്തിലെ പ്രധാന ചോദ്യം. ഇത്രയും സീറ്റുകള്‍ നേടാന്‍ കോണ്‍ഗ്രസിലെ ചില മുതിര്‍ന്ന നേതാക്കള്‍ തന്നെയാണ് ബി.ജെ.പിയെ സഹായിച്ചതെന്ന് കോണ്‍ഗ്രസിലെ തന്നെ നേതാക്കള്‍ അടക്കം പറയുന്നുണ്ട്. അതുകൊണ്ടുതന്നെ 20 വര്‍ഷമായി കോണ്‍ഗ്രസ് ഭരിക്കുന്ന കോട്ടയം നഗരസഭയില്‍ കോണ്‍ഗ്രസ് ദുര്‍ബലമായി. ആ ദൗര്‍ബല്യമാണ് സി.പി.എം വിജയത്തിനു പിന്നില്‍.

ബി.ജെ.പിയുമായി ഒരു ധാരണയുണ്ടാക്കി തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള തെരഞ്ഞെടുപ്പില്‍ പാലം പണിയുന്ന ചില നേതാക്കള്‍ സ്വന്തം കാര്യം നോക്കിയാണ് ഈ ഒറ്റയാള്‍ തന്ത്രം കളിക്കുന്നത്. പിന്നാലേ വരുന്ന നിയമസഭാ തെരഞ്ഞെടുപ്പില്‍ ജയിക്കുക, പഞ്ചായത്ത് തെരഞ്ഞെടുപ്പില്‍ ഇട്ട പാലം വഴി കുറെ ബി.ജെ.പി വോട്ട് ഇങ്ങോട്ടു വാങ്ങുക.

തിരുവനന്തപുരം നഗരസഭയില്‍ ഇത് ഒന്നുകൂടി വ്യക്തമായി കണ്ടതാണ്. കഴിഞ്ഞ നഗരസഭാ തെരഞ്ഞെടുപ്പില്‍ കോണ്‍ഗ്രസിന് കിട്ടിയത് വെറും ഒമ്പതു സീറ്റ്. ആകെയുള്ള നൂറു സീറ്റില്‍ പത്തു സീറ്റു തികയ്ക്കാന്‍ പോലുമായില്ല കോണ്‍ഗ്രസിന്. ഇതിനു മുമ്പത്തെ തെരഞ്ഞെടുപ്പിലും ഇതു ശരിക്കും കണ്ടതാണ്. ഇതിന്‍റെ ഗൂണം നിയമസഭാ തെരഞ്ഞെടുപ്പില്‍ പ്രതീക്ഷിക്കുന്ന ചിലരാണ് ബി.ജെ.പിയുമായി കൂട്ടുകൂടുന്നത്.

ദുര്‍ബലരായ സ്ഥാനാര്‍ത്ഥികളെ നിര്‍ത്തിയും പ്രചാരണം മന്ദഗതിയിലാക്കിയുമൊക്കെ ചില സീറ്റില്‍ ബി.ജെ.പിയുമായി ധാരണയുണ്ടാക്കുകയാണ് ഈ പ്രമുഖ നേതാക്കള്‍ ചെയ്യുക. കാര്യം ആരുമറിയില്ല. പ്രതീക്ഷിക്കാത്ത സീറ്റുകളിലും ബി.ജെ.പി ജയിക്കും. നഗരസഭാ ഭരണത്തില്‍ കോണ്‍ഗ്രസ് ദുര്‍ബലമാകും. ഫലം കോണ്‍ഗ്രസ് നേതാവിനു നിയമസഭയില്‍ കിട്ടുകയും ചെയ്യും.

പക്ഷെ തിരുവനന്തപുരത്തെ ക്രിസ്ത്യന്‍ വോട്ടര്‍മാര്‍ക്ക് ഇക്കാര്യം രണ്ടുതെരഞ്ഞെടുപ്പുകൊണ്ടു മനസിലായി. നഗരസഭയില്‍ ഒമ്പതു സീറ്റിലൊതുങ്ങിയ കോണ്‍ഗ്രസിനെതിരെ ആരും പറയാതെതന്നെ അവര്‍ തിരിഞ്ഞു. ആരും പറയാതെ മുസ്ലിം വോട്ടര്‍മാരും ഇതേ പാത സ്വീകരിച്ചു. ഫലമോ, നിയമസഭാ തെരഞ്ഞെടുപ്പില്‍ തിരുവനന്തപുരത്തും നേമത്തും ഇടതുപക്ഷം ജയിച്ചു. ആന്‍റണി രാജുവും വി. ശിവന്‍കുട്ടിയും. രണ്ടുപേരും മന്ത്രിമാരുമായി.

തിരുവനന്തപുരം നഗരസഭയില്‍ ഒമ്പതു കൗണ്‍സിലര്‍മാരുമായി കോണ്‍ഗ്രസ് ഒരനക്കവുമില്ലാതെ കഴിയുമ്പോള്‍ കോട്ടയത്ത് അധികാരം കൈയ്യാളിയിരുന്ന കോണ്‍ഗ്രസിന് ഭരണം നഷ്ടപ്പെട്ടു. 21 സീറ്റ് മാത്രമേ കോണ്‍ഗ്രസിനുണ്ടായിരുന്നുള്ളു. വിമത സ്ഥാനാര്‍ത്ഥിയായി മത്സരിച്ചു വിജയിച്ച ബിന്‍സി സെബാസ്റ്റ്യനെ കൂടെ കൂട്ടി അധ്യക്ഷയാക്കുകയായിരുന്നു. രണ്ടു കൂട്ടര്‍ക്കും 22 സീറ്റ് വീതമാണ് ഇപ്പോഴും. ഇനി വീണ്ടും തെരഞ്ഞെടുപ്പ്.

കഴിഞ്ഞ നിയമസഭാ തെരഞ്ഞെടുപ്പില്‍ പല കേന്ദ്രങ്ങളിലും ന്യൂനപക്ഷ വോട്ടുകള്‍, പ്രത്യേകിച്ച് ക്രിസ്ത്യന്‍ വോട്ടുകള്‍, ഇടതു പക്ഷത്തേക്കു ചരിഞ്ഞിരുന്നു. വോട്ടര്‍മാരിലെ ഈ മാറ്റം പലേടത്തും വളരെ വ്യക്തമായിത്തന്നെ കാണാമിയിരുന്നു.

നിയമസഭാ തെരഞ്ഞെടുപ്പുകളില്‍ ചില നേതാക്കള്‍ ജയിച്ചുകയറി പോകുമ്പോള്‍ അതിനു പിന്നാമ്പുറത്ത് തദ്ദേശ തെരഞ്ഞെടുപ്പുകളില്‍ ബി.ജെ.പി നേടുന്ന ചില വിജയങ്ങളും കാരണമാകുന്നുണ്ടെന്ന് കോണ്‍ഗ്രസ് നേതൃത്വം കാണുന്നുണ്ടോ ആവോ !

-ചീഫ് എഡിറ്റര്‍

Related Posts

More News

കണ്ണൂർ: സിപിഎം പിബി അംഗമായിരുന്ന കോടിയേരി ബാലകൃഷ്ണന്റെ മരണവുമായി ബന്ധപ്പെട്ട് വാട്സ്ആപ്പിൽ അധിക്ഷേപകരമായ കുറിപ്പിട്ട പൊലീസുകാരനെതിരെ നടപടി ആവശ്യപ്പെട്ട് പ്രതിഷേധം. കോൺഗ്രസ് നേതാവായ മുല്ലപ്പള്ളി രാമചന്ദ്രന്റെ മുൻ ഗൺമാൻ ഉറൂബിനെതിരെ ഡിജിപിക്ക് പരാതി ലഭിച്ചതിന് പിന്നാലെയാണ് പ്രതിഷേധം. സിപിഎം ആനക്കോട് ബ്രാഞ്ച് സെക്രട്ടറിയാണ് പരാതി നൽകിയത്. സിപിഎമ്മിന്റെ നേതൃത്വത്തിലാണ് പൊലീസുകാരനെതിരെ നടപടി ആവശ്യപ്പെട്ട് പ്രതിഷേധം നടക്കുന്നത്. കുറ്റാരോപിതനായ പൊലീസുകാരൻ ഉറൂബിനെതിരെ തിരുവനന്തപുരം മെഡിക്കൽ കോളേജ് പൊലീസ് സ്റ്റേഷന് മുന്നിലാണ് ഇപ്പോൾ ഉപരോധ സമരം നടക്കുന്നത്. എൽവിഎച്ച്എസ് പിടിഎ […]

കോട്ടയം : ചങ്ങനാശ്ശേരിയിലെ ദൃശ്യം മോഡൽ കൊലപാതക കേസിൽ അറസ്റ്റിലായ പ്രതി മുത്തുകുമാറിനെ ചങ്ങനാശേരി പൊലീസിന് കൈമാറി. ആലപ്പുഴ നോർത്ത് സിഐ രാജേഷിന്റെ നേതൃത്വത്തിലുള്ള സംഘം ആണ് മുത്തുകുമാറിനെ പിടികൂടിയത് . പ്രതിയെ നാളെ കൊലപാതകം നടത്തിയ വീട്ടിലെത്തിച്ച് തെളിവെടുപ്പ് നടത്തും . ആര്യാട് സ്വദേശി ബിന്ദു കുമാറിനെ കൊലപ്പെടുത്തി വീടിനുള്ളിൽ കുഴിച്ചു കോൺക്രീറ്റ് ചെയ്ത് മൂടുകയായിരുന്നു മുത്തുകുമാർ . മുത്തുകുമാറിനെ കാണാനില്ലെന്ന പരാതി കിട്ടിയപ്പോൾ പൊലീസ് മൊബൈൽ ഫോണിൻറെ കാൾ റെക്കോർഡ് പരിശോധിച്ച് ബിന്ദു കുമാറിന് […]

കുവൈത്ത് : കുവൈത്ത് പ്രവാസിയും കുവൈത്തിലെ അമൃത ടെലിവിഷൻ പ്രതിനിധിയും കേരള പ്രസ്സ് ക്ലബ് ട്രഷററുമായ അനിൽ കെ നമ്പ്യാരുടെ അമ്മ കണ്ണൂർ ചിറ്റാരിപറമ്പിൽ വിമല കുമാരി (71) നിര്യാതയായി. മക്കൾ അനിൽ കെ നമ്പ്യാർ, ഷീജ. മരുമക്കൾ: രൂപ അനിൽ, പ്രേമരാജൻ. ശവസംസ്കാരം ചൊവ്വാഴ്ച നടക്കും.

തിരുവനന്തപുരം : പ്രായത്തിൽ വ്യത്യാസം ഉണ്ടെങ്കിലും സിപിഎമ്മിൽ ഏറ്റവും വലിയ ഒരു സൗഹൃദമായിരുന്നു പിണറായി – കോടിയേരി ബന്ധം. അതൊരിക്കലും ഉടയാത്തതായിരുന്നു, കോടിയേരിയുടെ മരണം വരെ. പിണറായിയുമായി ഇത്രയും സൗഹൃദം ഉള്ള മറ്റൊരു നേതാവും സിപിഎമ്മിൽ ഇല്ല. പലർക്കും പിണറായിയിലേക്കുള്ള മാർഗമായിരുന്നു കോടിയേരി . കോടിയേരിയുടെ വിയോഗത്തോടെ പാർട്ടിയിലെ വിശ്വസ്തനായ സഹപ്രവർത്തകനെയും ജീവിതത്തിലെ സഹോദര തുല്യനായ വ്യക്തിയേയും നഷ്ടപ്പെട്ട തീവ്ര വേദനയിലാണ് മുഖ്യമന്ത്രി പിണറായി വിജയൻ . കോടിയേരിയുടെ രാഷ്ട്രീയ ജീവിതത്തിന്റെ തുടക്കം മുതൽ ഇരുവർക്കുമിടയിൽ നിലനിന്നിരുന്നത് […]

മുംബൈ: സർക്കാർ സ്ഥാപനങ്ങളിൽ ജോലി ചെയ്യുന്ന എല്ലാ ജീവനക്കാരും പൗരന്മാരിൽ നിന്നോ സർക്കാർ ഉദ്യോഗസ്ഥരിൽ നിന്നോ ഫോൺ കോളുകൾ സ്വീകരിക്കുമ്പോൾ ‘ഹലോ’ എന്നതിന് പകരം ‘വന്ദേമാതരം’ എന്ന് അഭിവാദ്യം ചെയ്യണമെന്ന് മഹാരാഷ്ട്ര സർക്കാർ. ഇതു നിർബന്ധമാക്കി മഹാരാഷ്ട്ര പൊതുഭരണ വകുപ്പ് ശനിയാഴ്ച ഉത്തരവ് പുറത്തിറക്കി. സർക്കാർ ധനസഹായമുള്ള സ്ഥാപനങ്ങളിലും ഇതു പാലിക്കണം. ‘ഹലോ’ എന്ന വാക്ക് പാശ്ചാത്യ സംസ്‌കാരത്തിന്റെ അനുകരണമാണെന്നും അത് ഒഴിവാക്കി ‘വന്ദേമാതരം’ ഉപയോഗിച്ച് തുടങ്ങണമെന്നും ഉത്തരവിൽ പറയുന്നു. മന്ത്രി സുധീർ മുൻഗന്തിവാറാണ് ഈ നിർദേശം […]

കടയ്ക്കൽ: മൂന്നര വയസ്സുള്ള മകളെ അങ്കണവാടിയിൽ ആക്കിയ ശേഷം യുവാവിനൊപ്പം കടന്ന യുവതിയെ പൊലീസ് കണ്ടെത്തി. യുവതിയെയും കൂടെ ഉണ്ടായിരുന്ന കടയ്ക്കൽ ചരിപ്പറമ്പ് സുനിൽ വിലാസത്തിൽ അനിൽ കുമാറിനെയെും (36) പൊലീസ് അറസ്റ്റ് ചെയ്തു. ഇരുവരെയും കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 22നാണ് യുവതിയെ കാണാതായത്. യുവതിക്ക് രണ്ടു കുട്ടികൾ ഉണ്ട്. മൂത്ത മകളെ ഉപേക്ഷിച്ച് ഇളയ കുട്ടിയുമായി അനിൽകുമാറിനൊപ്പം പോയതായി പൊലീസ് പറഞ്ഞു. മൊബൈൽ ഫോൺ നമ്പർ പ്രകാരം പൊലീസ് നടത്തിയ അന്വേഷണത്തിൽ […]

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു. 160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ […]

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

error: Content is protected !!