02
Sunday October 2022
Editorial

കര്‍ഷകരുടെ സമരം രാഷ്ട്രീയ മാനം ആര്‍ജിക്കുമ്പോള്‍ യുപി തെരഞ്ഞെടുപ്പില്‍ എന്തും സംഭവിക്കാം ? പണ്ടു രാജ്യം ഭരിച്ച പാര്‍ട്ടിയാണെന്നു മേനിപറഞ്ഞ് പഴയകാല പ്രതാപത്തില്‍ കോണ്‍ഗ്രസ് അഭിരമിക്കുമ്പോള്‍ ഇന്ന് ബിജെപിക്കെതിരെ നില്‍ക്കാന്‍ ശക്തി നേടിയത് ഇന്ത്യയിലെ കര്‍ഷകര്‍ മാത്രം. കര്‍ഷകരുടെ നിലപാട് പുതിയൊരു രാഷ്ട്രീയ മാനം ആര്‍ജിക്കുമ്പോള്‍ – മുഖപ്രസംഗത്തില്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Thursday, October 7, 2021

ഉത്തര്‍പ്രദേശില്‍ വളര്‍ന്നു വന്ന കര്‍ഷക സമരത്തെ തകര്‍ക്കാനായിരുന്നു കേന്ദ്ര ആഭ്യന്തര സഹമന്ത്രി അജയ് മിശ്രയുടെ മകന്‍ ആഷിഷ് മിശ്രയും കൂട്ടരും ശ്രമിച്ചത്. മന്ത്രിയുടെ തന്നെ അകമ്പടി വാഹനങ്ങള്‍ കര്‍ഷകരുടെ മേലേ ഓടിച്ചുകയറ്റുകയായിരുന്നു.

നാലു കര്‍ഷകരാണ് ജീപ്പുകളുടെയടിയില്‍ പെട്ടു ചതഞ്ഞരഞ്ഞു മരണമടഞ്ഞത്. യുപി നിയമസഭാ തെരഞ്ഞെടുപ്പടുത്തുവരവെ എങ്ങനെയും സമരം തകര്‍ക്കണം എന്നതു തന്നെയായിരുന്നു ബിജെപിയുടെ ലക്ഷ്യം.

സംഭവം നടന്ന ലഖിംപൂര്‍ ഖേരിയിലെ ലോക്സഭാംഗമാണ് അജയ് കുമാര്‍ മിശ്ര. എംപിയാകുന്നത് ഇതു രണ്ടാം തവണ. ഇക്കഴിഞ്ഞ തവണ പ്രധാനമന്ത്രി നരേന്ദ്രമോഡി നടത്തിയ മന്ത്രിസഭാ പുന:സംഘടയിലാണ് അജയ് മിശ്രയ്ക്കും മന്ത്രിസ്ഥാനം കിട്ടിയത്. ഉത്തര്‍ പ്രദേശില്‍ നിന്നുള്ള ഏക ബ്രാഹ്മണ സമുദായാംഗമാണ് അജയ് മിശ്ര.


ബ്രാഹ്മണനായിരിക്കുന്നത് ജന്മം കൊണ്ടാണെങ്കിലും കര്‍മവശാല്‍ ആള്‍ എന്തിനും പോരുന്ന ഒരു ബലവാന്‍ തന്നെ. ഗുസ്തിയാണ് ഇഷ്ട വിനോദം. നാട്ടില്‍ പേരെടുത്ത ഗുസ്തിക്കാരന്‍. ആരോടും എപ്പോള്‍ വേണമെങ്കിലും ബലം പിടിക്കാന്‍ തയ്യാര്‍. അങ്ങനെയാണ് ബിജെപി രാഷ്ട്രീയത്തില്‍ കരുത്തനായി പിടിച്ചു കയറിയത്.


കുറെ ദിവസം മുമ്പ് അജയ് മിശ്ര ലഖിംപൂര്‍ ഖേരിയില്‍ ഒരു പൊതുസമ്മേളനത്തില്‍ നടത്തിയ പ്രസംഗമാണ് കര്‍ഷകരെ ചൊടിപ്പിച്ചത്.

ഈ പ്രശ്നം തീര്‍ക്കാന്‍ തനിക്കു രണ്ടു മിനിട്ടുമതിയെന്നാണ് പ്രസംഗത്തില്‍ അജയ് മിശ്ര അട്ടഹസിച്ചത്. “എന്നോടു നേരിട്ടു വെല്ലുവിളിക്കാന്‍ വരുമ്പോഴറിയാം. രണ്ടു മിനിട്ടുകൊണ്ടു ഞാന്‍ പ്രശ്നം മുഴുവന്‍ തീര്‍ക്കും”, മന്ത്രി ആക്രോശിച്ചു.

പ്രസംഗത്തിന്‍റെ വീഡിയോ വൈറലായി. കര്‍ഷക സമരവും പിന്നെയും ശക്തിപ്പെട്ടു. കൂടുതല്‍ പേര്‍ സമരത്തിനെത്തി. ഒക്ടോബര്‍ മൂന്നാം തീയതി മന്ത്രി അജയ് മിശ്ര ഒരു ചടങ്ങില്‍ പങ്കെടുക്കാനെത്തുമെന്നറിഞ്ഞാണ് കര്‍ഷകര്‍ പ്രകടനത്തിനിറങ്ങിയതും മന്ത്രിയുടെ മകന്‍ ഉള്‍പ്പെടെയുള്ളവര്‍ അകമ്പടി വാഹനങ്ങള്‍ അവരുടെ മേല്‍ ഓടിച്ചു കയറ്റിയതും.

യുപിയില്‍ തെരഞ്ഞെടുപ്പിന് അരങ്ങൊരുങ്ങുമ്പോള്‍ നടന്ന ഈ ദുരന്തം ബിജെപി കേന്ദ്ര-സംസ്ഥാന നേതൃത്വങ്ങളെ ഏറെ സമ്മര്‍ദ ത്തിലാഴ്ത്തി യിരിക്കുകയാണ്.

കര്‍ഷകര്‍ കൂടുതല്‍ കരുത്താര്‍ജിച്ചിരിക്കുന്നു. പഞ്ചാബ്, ഹരിയാന എന്നീ സംസ്ഥാനങ്ങളിലെ കര്‍ഷകര്‍ മുന്‍കൈയെടുത്താരംഭിച്ച സമരം പുതിയൊരു വഴിത്തിരിവിലെത്തിയിരിക്കുന്നു. കര്‍ഷകര്‍ മാത്രമല്ല, പ്രതിപക്ഷ കക്ഷികളൊക്കെയും സമരത്തിനു പിന്തുണയുമായെത്തിയിട്ടുമുണ്ട്.

ബ്രിട്ടീഷ് ഭരണകാലത്ത് ജാലിയന്‍ വാലാബാഗില്‍ നടന്ന കൂട്ടക്കൊലയേക്കാള്‍ ഭയങ്കരമാണിതെന്ന് എന്‍സിപി നേതാവ് ശരത് പവാര്‍ കുറ്റപ്പെടുത്തി. കരുതിക്കൂട്ടി ആസൂത്രണം ചെയ്ത ആക്രമണം തന്നെയാണിതെന്ന് രാഹുല്‍ ഗാന്ധി.

കൊല്ലപ്പെട്ട കര്‍ഷകര്‍ക്ക് ഉത്തര്‍ പ്രദേശ് സര്‍ക്കാര്‍ 40 ലക്ഷം രൂപാ വീതം സഹായം പ്രഖ്യാപിച്ചപ്പോള്‍ പഞ്ചാബ്, ചണ്ടിഗര്‍ സര്‍ക്കാരുകള്‍ 50 ലക്ഷം രൂപാ വീതം പ്രഖ്യാപിച്ചുകൊണ്ട് മുന്നോട്ടു വന്നിരിക്കുന്നു.

ബ്രിട്ടീഷ് സര്‍ക്കാരിനേക്കാള്‍ കടുത്ത ക്രൂരതകളാണ് ബിജെപി സര്‍ക്കാര്‍ കര്‍ഷകരോടു കാട്ടുന്നതെന്ന ആരോപണവുമായി മുന്‍ യുപി മുഖ്യമന്ത്രി അഖിലേഷ് യാദവും രംഗത്തുണ്ട്. പ്രതിപക്ഷ കക്ഷികള്‍ ബിജെപിയുടെ ഭരണത്തിന്‍റെ ഭവിഷ്യത്തുകളിലേയ്ക്ക് വിരല്‍ ചൂണ്ടുകയാണ്.

പക്ഷെ ദേശീയതലത്തില്‍, കുറഞ്ഞപക്ഷം ഉടനെ തെരഞ്ഞെടുപ്പു നടക്കുന്ന യുപി ഉള്‍പ്പെടെയുള്ള സംസ്ഥാനങ്ങളിലെങ്കിലും ബിജെപിക്കെതിരെ ഒരു ഏകീകൃത പ്രതിപക്ഷ നിര ഉണ്ടാക്കാന്‍ പ്രതിപക്ഷ കക്ഷികള്‍ക്ക് കഴിയുമോ ?

ഉത്തര്‍ പ്രദേശിലെ യോഗി ആദിത്യനാഥ് ഇപ്പോള്‍ത്തന്നെ ആപത്തു മനസിലാക്കിയിരിക്കുന്നു. കേന്ദ്രമന്ത്രി അജയ് മിശ്രയുടെ മകന്‍ ആഷിഷ് മിശ്ര ഉള്‍പ്പെടെയുള്ളവര്‍ക്കെതിരെയാണ് സംസ്ഥാന പോലീസ് കേസെടുത്തിരിക്കുന്നത്.

മന്ത്രിയുടെ പേരിലുള്ള ഒരു വാഹനം ഇക്കുട്ടത്തിലുണ്ടായിരുന്നുവെന്നും അതില്‍ മന്ത്രി പുത്രനുമുണ്ടായിരുന്നുവെന്നുമാണ് പോലീസിന്‍റെ എഫ്.ഐ.ആറില്‍ പറയുന്നത്. വരുന്ന തെരഞ്ഞെടുപ്പില്‍ സ്ഥാനാര്‍ത്ഥിയാകാന്‍ ഒരുങ്ങിയിരിക്കുകയായിരുന്നു ആഷിഷ് മിശ്ര. പലേടത്തും പോസ്റ്ററുകളും പതിച്ചിട്ടുണ്ട്.


കോണ്‍ഗ്രസ് ഉള്‍പ്പെടെയുള്ള പ്രതിപക്ഷ കക്ഷികളെ ഇരുത്തി ചിന്തിപ്പിക്കേണ്ടതാണ് ഇക്കാര്യം. പക്ഷെ കോണ്‍ഗ്രസ് നേതൃത്വം കാര്യങ്ങള്‍ പഠിക്കുന്ന മട്ടില്ല.


പണ്ടു രാജ്യം ഭരിച്ച പാര്‍ട്ടിയാണെന്നു മേനിപറഞ്ഞ് പഴയകാല പ്രതാപത്തില്‍ അഭിരമിച്ചിരിക്കുന്ന കോണ്‍ഗ്രസിന്‍റെ കാല്‍ക്കീഴില്‍ നിന്നു മണ്ണൊലിച്ചു പോവുകയാണ്. നേതാക്കളും.

ഇന്നിപ്പോള്‍ കേന്ദ്ര സര്‍ക്കാരിനെതിരെ ഉയരുന്ന ഒരേയൊരു ശബ്ദം കര്‍ഷകരുടേതു മാത്രമാണ്.

ഭാരത് കിസാന്‍ യുണിയന്‍ നേതാവ് രാകേഷ് ടിക്കായത് ഉള്‍പ്പെടെ കര്‍ഷക നേതാക്കളൊക്കെയും നിലപാടു കടുപ്പിക്കുകയാണ്. കേന്ദ്രമന്ത്രി അജയ് മിശ്ര രാജിവയ്ക്കണമെന്നും മകന്‍ ആഷിഷ് മിശ്രയെ അറസ്റ്റ് ചെയ്യണമെന്നും അദ്ദേഹം ആവര്‍ത്തിച്ചാവശ്യപ്പെടുന്നു.

സമരമുഖങ്ങളിലൊക്കെ കൂടുതല്‍ ആവേശം നുരയുന്നു. എന്തു  വന്നാലും പിന്മാറില്ലെന്ന് ഉറപ്പിച്ചിരിക്കുകയാണ് കര്‍ഷകര്‍. ആരോടും ആലോചിക്കാതെ, പാര്‍ലമെന്‍റില്‍ വേണ്ടത്ര ചര്‍ച്ചപോലുമില്ലാതെ പാസാക്കിയ മുന്നു കര്‍ഷക നിയമങ്ങള്‍ പിന്‍വലിക്കാതെ പിന്നോട്ടില്ലെന്നതാണ് അവരുടെ നിലപാട്.

കര്‍ഷകരുടെ നിലപാട് പുതിയൊരു രാഷ്ട്രീയ മാനം ആര്‍ജിച്ചിരിക്കുകയാണ്. തുടക്കം ഉത്തര്‍പ്രദേശിലെ ലഖിംപൂര്‍ ഖേരിയില്‍. യുപി സര്‍ക്കാരിനെ മുള്‍മുനയില്‍ നിര്‍ത്തിയിരിക്കുന്നത് കര്‍ഷകരാണ്.

കര്‍ഷകരുടെ സമരം രാഷ്ട്രീയ മാനം ആര്‍ജിക്കുമ്പോള്‍ യുപി തെരഞ്ഞെടുപ്പില്‍ എന്തു സംഭവിക്കും ? ബിജെപിക്കെതിരെ നില്‍ക്കാന്‍ ശക്തി തേടുകയാണ് ഇന്ത്യയിലെ കര്‍ഷകര്‍. കര്‍ഷകര്‍ മാത്രം.

-ചീഫ് എഡിറ്റര്‍

Related Posts

More News

കടയ്ക്കൽ: മൂന്നര വയസ്സുള്ള മകളെ അങ്കണവാടിയിൽ ആക്കിയ ശേഷം യുവാവിനൊപ്പം കടന്ന യുവതിയെ പൊലീസ് കണ്ടെത്തി. യുവതിയെയും കൂടെ ഉണ്ടായിരുന്ന കടയ്ക്കൽ ചരിപ്പറമ്പ് സുനിൽ വിലാസത്തിൽ അനിൽ കുമാറിനെയെും (36) പൊലീസ് അറസ്റ്റ് ചെയ്തു. ഇരുവരെയും കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 22നാണ് യുവതിയെ കാണാതായത്. യുവതിക്ക് രണ്ടു കുട്ടികൾ ഉണ്ട്. മൂത്ത മകളെ ഉപേക്ഷിച്ച് ഇളയ കുട്ടിയുമായി അനിൽകുമാറിനൊപ്പം പോയതായി പൊലീസ് പറഞ്ഞു. മൊബൈൽ ഫോൺ നമ്പർ പ്രകാരം പൊലീസ് നടത്തിയ അന്വേഷണത്തിൽ […]

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു. 160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ […]

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

തിരുവനന്തപുരം : സമീപ കാലത്തെല്ലാം കോടിയേരി ബാലകൃഷ്ണന്റെ തട്ടകം എകെജി സെന്ററായിരുന്നു. നേരരെ എതിർവശത്തെ ചിന്ത ഫ്‌ളാറ്റിലാണ് താമസമെങ്കിലും രാവിലെ മുതൽ രാത്രി വൈകുവോളം അദ്ദേഹം എകെജി സെന്റിലുണ്ടാകും. പാർട്ടിക്കാർക്കും അണികൾക്കുമെല്ലാം വേണ്ട നിർദ്ദേശങ്ങൾ നൽകികൊണ്ടും വായനയുമായും. കാണാനെത്തുന്നവരെ എല്ലാം ചെറിയ പുഞ്ചിരിയോടെ നേരിടും. കോടിയേരി ബാലകൃഷ്ണൻ ഇനി ഈ പടി കടന്നെത്തില്ലെന്ന വിഷമം ഉളളിലൊതുക്കിയാണ് എ.കെ.ജി സെന്ററിലെ ജീവനക്കാർ കോടിയേരിയുടെ മരണവിവരം ഉൾക്കൊണ്ടത്. നിറഞ്ഞ കണ്ണുകളോടെ നിരവധി പേരാണ് സെന്റിലേക്ക് എത്തിയത്. പലരും അവിടെ എത്തുന്നത് […]

ബഹ്‌റൈൻ : ഐ.വൈ.സി.സി ബഹ്‌റൈന്റെ ചരിത്രത്തിൽ ആദ്യമായി ഏരിയാ കമ്മറ്റികൾ തമ്മിലുള്ള എവറോളിങ് ട്രോഫി വോളിബോൾ ടൂർണമെന്റ് ഹിദ്ദ്-അറാദ് ഏരിയ കമ്മിറ്റി മിഡിൽ ഈസ്റ്റ് മെഡിക്കൽ സെൻറർ ഹിദ്ദ്മായി ചേർന്ന് നബി സേലാ സ്പോർട്സ് ക്ലബിൽ സംഘടിപ്പിച്ചു. ഐ.വൈ.വൈ.സി ദേശിയ പ്രസിഡന്റ് ജിതിൻ പരിയാരം ടൂർണമെന്റിന്റെ ഉൽഘാടനം നിർവഹിച്ചു. ഐ.വൈ.വൈ.സി യിലെ ഒൻപത് ഏരിയ കമ്മറ്റികളുടെ മാറ്റുരച്ച ടൂർണമെന്റിൽ അബ്ദുൽ ഹസീബിന്റെ നേതൃത്വത്തിൽ ടുബ്‌ളി-സൽമാബാദ് ഏരിയ കമ്മറ്റിയും ജെയ്‌സ് ജോയിയുടെ നേതൃത്വത്തിൽ ഹിദ്ദ്-അറാദ് ഏരിയ കമ്മറ്റിയും ഫൈനലിൽ […]

ബഹ്‌റൈന്‍: തുമ്പമൺ പ്രവാസി അസോസിയേഷൻ തുമ്പക്കുടം ബഹ്റിൻ സൗദിയ ചാപ്റ്ററിന്റെ ആഭിമുഖ്യത്തിൽ മാർവിഡാ ടവേഴ്സ് ജുഫൈറിൽ വച്ച് ഓണാഘോഷം വെള്ളിയാഴ്ച വിഫുലമായി കൊണ്ടാടി . അത്ത പൂക്കളം ഒരുക്കി നിലവിളക്ക് തെളിയിച്ച് ഈശ്വര പ്രാർത്ഥനയ്ക്ക് ശേഷം കുട്ടികളുടെ കലാപരുപാടികളും ഓണകളികളും അരങ്ങേറി . തുടർന്ന് ആർപ്പുവിളികളോടെ മാവേലിയെ എതിരേറ്റു . അസോസിയേഷന്റെ പ്രവർത്തനങ്ങളുടെ ഈ വർഷത്തെ അവലോകനവും പ്രവർത്തന മികവും ചർച്ച ചെയ്യപെട്ടു.  കൊവിഡ് കാലത്ത് അരോഗ്യ രംഗത്ത് പ്രവർത്തിച്ച അസോസിയേഷനിലെ ആരോഗ്യ പ്രവർത്തകരെ ആദരിക്കുകയും അവരുടെ […]

പൊന്നാനി: “സ്ത്രീത്വം, സമത്വം, നിർഭയത്വം” എന്ന ശീർഷകത്തിൽ 2022 ഡിസംബർ 31, ജനുവരി 1 (ശനി, ഞായർ) തിയ്യതികളിൽ പൊന്നാനി കൾച്ചറൽ വേൾഡ് ഫൗണ്ടേഷൻ (പി സി ഡബ്ല്യു എഫ്) വനിതാ വേദിയുടെ ആഭിമുഖ്യത്തിൽ പത്താമത് സ്ത്രീധനരഹിത സമൂഹ വിവാഹവും എട്ടാം വാർഷിക സമ്മേളനവും അരങ്ങേറുമെന്ന് വേദി ഭാരവാഹികൾ അറിയിച്ചു. എം ഇ എസ് പൊന്നാനി കോളേജ് ഓഡിറ്റോറിയത്തിൽ പ്രത്യേകം ഉയരുന്ന ഒ കെ ഉമ്മർ നഗറിലായിരിക്കും സമൂഹ വിവാഹവും വാർഷിക സമ്മേളനവും . പരിപാടിയുടെ വിജയത്തിനായി […]

നെടുമ്പാശേരി: വിദേശത്ത് നിന്നെത്തിയ മൂന്നംഗ കുടുംബാംഗങ്ങളിൽ 2 പേർ കടത്താൻ ശ്രമിച്ച 432 ഗ്രാം സ്വർണാഭരണങ്ങളും 1115 ഗ്രാം സ്വർണ മിശ്രിതവും വിമാനത്താവളത്തിലെ കസ്റ്റംസ് എയർ ഇന്റലിജൻസ് യൂണിറ്റ് പിടികൂടി. ഇന്നലെ എയർഇന്ത്യ എക്സ്പ്രസ് വിമാനത്തിൽ ബഹ്റൈനിൽ നിന്നെത്തിയ കോഴിക്കോട് ആയഞ്ചേരി സ്വദേശി അബ്ദുൽ ജലീലും കുടുംബവുമാണ് സ്വർണം കടത്താൻ ശ്രമിച്ച് പിടിയിലായത്. അബ്ദുൽ ജലീൽ സ്വർണമിശ്രിതം ക്യാപ്സൂൾ രൂപത്തിലാക്കി ശരീരത്തിനുള്ളിൽ ഒളിപ്പിച്ചിരിക്കുകയായിരുന്നു. 4 ക്യാപ്സൂളുകൾ ആണ് ഇയാളിൽ നിന്ന് കണ്ടെടുത്തത്. കൂടെയുണ്ടായിരുന്ന ഭാര്യ 432 ഗ്രാം […]

error: Content is protected !!