1988 മുതൽ എല്ലാ വർഷവും ഡിസംബർ 1 ന് ലോക എയ്ഡ്സ് ദിനമായി ആചരിക്കുന്നു. എച്ച്ഐവി അണുബാധയുടെ വ്യാപനം മൂലമുണ്ടാകുന്ന എയ്ഡ്സ് പാൻഡെമിക്കിനെക്കുറിച്ചുള്ള അവബോധം വളർത്തുന്നതിനും എയിഡ്സ് ബാധിതരെ സമൂഹത്തിൽ ഒറ്റപ്പെടുത്താതിരിക്കാനും അവരുടെ ആരോഗ്യത്തിനും സാമൂഹിക സുരക്ഷയ്ക്കും ഊന്നൽ നൽകേണ്ടതിന്റെ ആവശ്യകതയെക്കുറിച്ച് ബോധവത്ക്കരിക്കാനുമാണ് ഡിസംബർ ഒന്ന് എയിഡ്സ് ദിനമായി ആചരിക്കുന്നത്.
ഹ്യൂമൻ ഇമ്മ്യൂണോ ഡെഫിഷ്യൻസി വൈറസാണ് എയ്ഡ്സിന് കാരണം. എച്ച് ഐ വി വൈറസ് രോഗിയുടെ പ്രതിരോധ സംവിധാനത്തെ ആക്രമിക്കുകയും മറ്റ് 'രോഗങ്ങൾ'ക്കെതിരായ പ്രതിരോധം കുറയ്ക്കുകയും ചെയ്യുന്നു.
ലോക പ്രതിരോധ വാരം, ലോക ക്ഷയരോഗ ദിനം, ലോക പുകയില വിരുദ്ധ ദിനം, ലോക മലേറിയ ദിനം, ലോക ഹെപ്പറ്റൈറ്റിസ് ദിനം, ലോക ആന്റിമൈക്രോബയൽ അവബോധ വാരം, ലോക രോഗി സുരക്ഷാ ദിനം, ലോക ചഗാസ് രോഗ ദിനം, ലോകാരോഗ്യ ദിനം, ലോക രക്തദാതാക്കളുടെ ദിനം എന്നിവയുള്പ്പെടെ ലോകാരോഗ്യ സംഘടന അടയാളപ്പെടുത്തിയ പതിനൊന്ന് ഔദ്യോഗിക ആഗോള പൊതുജനാരോഗ്യ കാമ്പെയ്നുകളിൽ ഒന്നാണ് ലോക എയ്ഡ്സ് ദിനം.
2020-ലെ കണക്കനുസരിച്ച്, എയ്ഡ്സ് ലോകമെമ്പാടുമുള്ള <27.2 ദശലക്ഷത്തിനും 47.8 ദശലക്ഷത്തിനും> ഇടയിൽ 36.3 ദശലക്ഷം ആളുകളുടെ ജീവന് അപഹരിച്ചിട്ടുണ്ട്. കൂടാതെ 37.7 ദശലക്ഷം ആളുകൾ എച്ച്ഐവി ബാധിതരാണെന്നും കണക്കാക്കപ്പെടുന്നു. ഏറ്റവും പ്രധാനപ്പെട്ട ആഗോള പൊതുജനാരോഗ്യ പ്രശ്നങ്ങളിലൊന്നായി എയ്ഡിസിനെ മാറ്റുന്നതും ഈ കണക്കുകളാണ്.