റോം: ആഡംബരക്കപ്പൽ മെഡിറ്റേറിയൻ കടലിൽ മുങ്ങിത്താഴുന്നതിന്റെ ദൃശ്യങ്ങൾ ഇറ്റാലിയൻ കോസ്റ്റ് ഗാർഡ് പുറത്തുവിട്ടു. ഗല്ലിപോളിയിൽനിന്നു മിലാസോയിലേക്കു പോകുന്നതിനിടെയാണു സംഭവം നടന്നത്. ഇതിന്റെ വീഡിയോ സമൂഹമാധ്യമങ്ങളില് വൈറലാണ്.
അപകടകാരണം വ്യക്തമല്ല. കാലാവസ്ഥയും കടലിലെ സാഹചര്യവും പ്രതികൂലമായതാണ് അപകടത്തിലേക്കു നയിച്ചതെന്നാണ് പ്രാഥമിക സൂചന. അഞ്ച് ജീവനക്കാരും, നാല് യാത്രക്കാരുമാണ് കപ്പലിലുണ്ടായിരുന്നത്. ഇവരെയെല്ലാം കോസ്റ്റ് ഗാര്ഡ് രക്ഷപ്പെടുത്തിയെന്നാണ് റിപ്പോര്ട്ട്.