"തെങ്ങോലൊരു ചുവട് കാ ഇല്ല, വളം മേടിച്ചു തരാനേ, എന്നാന്നാ കുടയോ ? കുടയല്ല വടി !''-രണ്ട് വര്ഷം മുമ്പ് സമൂഹമാധ്യമങ്ങളിലൂടെ വൈറലായി പ്രേക്ഷകരിൽ ചിരിപൊട്ടിച്ച വീഡിയോയിലെ ഡയലോഗ് ആണിത്. സമൂഹമാധ്യമങ്ങളില് ഏറെ ശ്രദ്ധ നേടിയ ഈ വീഡിയോയിലെ ഉഴവൂർ ചക്കാലപടവിൽ തോമസിന്റെ ഭാര്യ അന്ന അന്തരിച്ചു. 92 വയസായിരുന്നു.
രണ്ട് വര്ഷം മുമ്പ് സോഷ്യല് മീഡിയയില് ഈ വീഡിയോ വ്യാപകമായി പ്രചരിച്ചിരുന്നു. ‘തെങ്ങേലൊരു ചുവട് കാ ഇല്ല, വളം മേടിച്ചു തരണം’ എന്നാണ് അമ്മൂമ്മ ചോദിക്കുന്നത്. ‘എന്നാതാരാന്’ എന്ന് അപ്പൂപ്പന് മറു ചോദ്യം ചോദിച്ചു. വീണ്ടും അമ്മൂമ്മ വളം മേടിച്ച് തരണമെന്ന് ആവര്ത്തിക്കുന്നു. അപ്പോള് ‘കുടയോ’ എന്നാണ് അപ്പൂപ്പന് തിരിച്ച് ചോദിച്ചത്. ഇതോടെ ദേഷ്യം വന്ന അമ്മൂമ്മ ‘കുടയല്ല വടി’ എന്ന് പറഞ്ഞ് ദേഷ്യപ്പെടുന്നതാണ് വീഡിയോ.