സന്ദര്‍ശക വിസയില്‍ എത്തിയത് ഒരാഴ്ച മുമ്പ്; ഒമാനില്‍ മലയാളി യുവതി മരിച്ചു

മസ്കത്ത്​: സന്ദർശക വിസയിലെത്തിയ തിരുവന്തപുരം സ്വദേശിനി ഒമാനിൽ മരിച്ചു. പാലോട് കരിമൻകോട്ടെ ചൂണ്ടമല തടതരികത്തു വീട്ടിൽ സുചിത്ര (31) ആണ്​ ഇബ്രിയിലെ മുർതഫയിൽ മരിച്ചത്​. ഒരാഴ്ച മുൻപാണ് ഒമാനില്‍ എത്തിയത്. ഭര്‍ത്താവ്: വിഷ്ണു. പിതാവ്: സുരേഷ്. മാതാവ്: ഭാരതി ലളിത കുമാരി. മൃതദേഹം തുടര്‍ നടപടികള്‍ക്ക് ശേഷം നാട്ടിലേക്കു കൊണ്ടുപോകുമെന്നു ബന്ധപ്പെട്ടവര്‍ അറിയിച്ചു.