നമ്മുടെ കുട്ടികളെപ്പോലെ, കുഞ്ഞു വന്യമൃഗങ്ങളും അവരുടെ ചുറ്റുപാടുകളെക്കുറിച്ചും മനുഷ്യരെക്കുറിച്ചും വസ്തുക്കളെക്കുറിച്ചും ജിജ്ഞാസയുള്ളവരാണ്. അവരുടെ ശ്രദ്ധ പിടിച്ചുപറ്റുന്ന കാര്യങ്ങളെ അടുത്തറിയാനും അത് കണ്ടെത്താനും അവരും ശ്രമിക്കുന്നു.
അവർക്ക് എന്തിലെങ്കിലും പ്രത്യേക താല്പര്യമുണ്ടായാൽ, അത് തുറന്നു പ്രകടിപ്പിക്കാൻ അവർ മടിക്കില്ല. അതിൽ സ്പർശിക്കുക,നക്കുക അതുമല്ലെങ്കിൽ മുഖമുരസി ഒരു ആലിംഗനം നൽകുക ഇതൊക്കെയാണ് അവരുടെ രീതികൾ.
ഈ പെൺ ചീറ്റക്കുട്ടി തന്നെ ഉദാഹരണം. ശ്രദ്ധാപൂർവ്വമുള്ള ചെറിയ നീക്കത്തോടെ അവൾ തൻ്റെ ചിത്രമെടുത്ത ഫോട്ടോഗ്രാഫറെ സമീപിച്ചു, അവന്റെ ലെൻസിന് മുന്നിൽ നിന്നു. അവന്റെ നീട്ടിവച്ച കാൽവിരലുകൾ നക്കാൻ തുടങ്ങി.
കാൽവിരൽ വേദനിക്കാൻ തുടങ്ങിയപ്പോൾ അയാൾ കാൽ പിറകോട്ടു വലിച്ചു. അപ്പോഴും ഭാവവ്യത്യസമേതുമില്ലാതെ ചീറ്റക്കുട്ടി അയാളെത്തന്നെ നോക്കി അവിടെ നിലയുറപ്പിച്ചു.
57 കാരനായ കിം വോൾഹൂട്ടർ എന്ന വന്യജീവി ഫോട്ടോഗ്രാഫറാണ് ഈ അദ്വിതീയ ദൃശ്യം പകർത്തിയത്. ചീറ്റയുടെ പ്രവൃത്തികൾ അയാൾ പ്രതീക്ഷിച്ചതിലും അപ്പുറമാണ്, നിമിഷങ്ങളോളം ചീറ്റ അദ്ദേഹത്തെ അമ്പരപ്പിച്ചുകൊണ്ട് അവിടെത്തന്നെ നിൽപ്പായി.
കിം വോള്ഹൂട്ടര്, ബോട്സ്വാനയിലെ മഷ്ടു ഗെയിം റിസര്വ് വനത്തിൽ ആറാഴ്ചക്കാലമാണ് അവിടെത്തങ്ങി വന്യമൃഗങ്ങളുടെ ചിത്രങ്ങൾ പകർത്തിയത്.
ചീറ്റയുടെ അമ്മയും അവളുടെ കുഞ്ഞുങ്ങളും അടുത്തുണ്ടായിരുന്നു, അദ്ദേഹം അവരുടെ ചിത്രീകരണത്തിനായി കുറച്ച് സമയം ചെലവഴിച്ചു. പെൺകുഞ്ഞിന് അവളുടെ സഹോദരങ്ങളെക്കാൾ ഫോട്ടോഷൂട്ട് കൗതുകമായിരുന്നു.
അതിനാൽ കിം നിലത്ത് കിടന്ന് നിരവധി ഷോട്ടുകൾ എടുത്തപ്പോഴൊക്കെ അവൾ അടുത്തുതന്നെ ശ്രദ്ധാപ്പൂർവ്വം നിലയുറപ്പിച്ചിരുന്നു. (Aubtu)