എല്‍.കെ. അദ്വാനി വീണ്ടും ആശുപത്രിയില്‍; ഡല്‍ഹി അപ്പോളോയില്‍ ഡോക്ടര്‍മാരുടെ നിരീക്ഷണത്തില്‍

ന്യൂഡല്‍ഹി: മുൻ ഉപപ്രധാനമന്ത്രിയും മുതിര്‍ന്ന ബിജെപി നേതാവുമായ എൽ.കെ. അദ്വാനി(96)യെ വീണ്ടും ആശുപത്രിയില്‍ പ്രവേശിപ്പിച്ചു. ഡല്‍ഹിയിലെ അപ്പോളോ ആശുപത്രിയിലാണ് അദ്ദേഹം ചികിത്സയില്‍ കഴിയുന്നത്.

രാത്രി ഒമ്പത് മണിയോടെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്ന് അപ്പോളോ ആശുപത്രി പ്രസ്താവനയില്‍ അറിയിച്ചു.ഡോ. വിനിത് സുരിയുടെ മേല്‍നോട്ടത്തിലാണ് ചികിത്സ. അദ്വാനി നിലവില്‍ നിരീക്ഷണത്തിലാണ്. ആരോഗ്യനില തൃപ്തികരമാണെന്നാണ് സൂചന.

Veteran BJP leader Lal Krishna Advani admitted to Apollo Hospital under the observation of Dr Vinit Suri at 9 pm. He is under observation and stable: Apollo Hospital pic.twitter.com/9XYmlgdqIw

— ANI (@ANI) July 3, 2024

വിദഗ്ധ ഡോക്ടര്‍മാരുടെ സേവനം അദ്ദേഹത്തിന് ലഭിക്കുന്നുണ്ട്.ഏതാനും ദിവസം മുമ്പ് അദ്ദേഹം എയിംസില്‍ ചികിത്സയിലായിരുന്നു. പിന്നീട് ഡിസ്ചാര്‍ജ് ചെയ്തിരുന്നു.