എഐ യെക്കാൾ മൂല്യങ്ങൾക്ക് പ്രാധാന്യം നൽകാൻ യുവ സമൂഹം തയ്യാറാകണമെന്ന് കേന്ദ്ര നിയമ നീതിന്യായ വകുപ്പ് മന്ത്രി അർജ്ജുൻ റാം മേഘ്‌വാൾ അഭിപ്രായപ്പെട്ടു. കോയമ്പത്തൂർ അമൃത വിശ്വ വിദ്യാപീഠം ക്യാപസിൽ പ്രവർത്തനം ആരംഭിച്ച അമൃത ഇന്റർനാഷണൽ സ്കൂൾ ഓഫ് ലോ ഉദ്ഘാടനം ചെയ്യുകയായിരുന്നു കേന്ദ്ര മന്ത്രി

കോയമ്പത്തൂർ: നിർമ്മിത ബുദ്ധിക്ക് ഭരണഘടനാ നൈതികത പ്രയോഗിക്കാൻ കഴിയില്ലെന്നും ഈ കാലഘട്ടത്തിൽ നമ്മുടെ ജീവിതത്തിൽ അന്തിമ തീരുമാനം എടുക്കുമ്പോൾ മനുഷ്യമനസ്സിന് തന്നെ പ്രാധാന്യം നൽകണമെന്നും എ ഐ' യെക്കാൾ മൂല്യങ്ങൾക്ക് പ്രാധാന്യം നൽകാൻ യുവ സമൂഹം തയ്യാറാകണമെന്നും കേന്ദ്ര നിയമ നീതിന്യായ വകുപ്പ് മന്ത്രി അർജ്ജുൻ റാം മേഘ്‌വാൾ അഭിപ്രായപ്പെട്ടു.

കോയമ്പത്തൂർ അമൃത വിശ്വ വിദ്യാപീഠം ക്യാപസിൽ പ്രവർത്തനം ആരംഭിച്ച അമൃത ഇന്റർനാഷണൽ സ്കൂൾ ഓഫ് ലോ ഉദ്ഘാടനം ചെയ്യുകയായിരുന്നു കേന്ദ്ര മന്ത്രി.

ഇന്റർനാഷണൽ ലോ സ്കൂൾ എന്ന ആശയം യാഥാർഥ്യമാവുന്നതു കാലഘട്ടത്തിന്റെ തന്നെ ആവശ്യമാണെന്ന് അറ്റോർണി ജനറൽ ആർ വെങ്കട്ട രമണി  സന്ദേശത്തിൽ പറഞ്ഞു.

രാജസ്ഥാൻ ഹൈക്കോടതി ചീഫ് ജസ്റ്റിസ് ജസ്റ്റിസ് കെ ആർ ശ്രീരാം ചടങ്ങിൽ മുഖ്യാതിഥി ആയിരുന്നു. മദ്രാസ് ഹൈക്കോടതി ജഡ്ജി ജസ്റ്റിസ് വിക്ടോറിയ ഗൗരി മുഖ്യ പ്രഭാഷണം നടത്തി. മാതാ അമൃതാനന്ദമയി മഠം ട്രഷററും സർവ്വകലാശാല ഭരണ സമിതി അംഗവുമായ സ്വാമി രാമകൃഷ്ണാനന്ദ പുരി അനുഗ്രഹ ഭാഷണം നടത്തി.

വൈസ് ചാൻസലർ ഡോ വെങ്കട് രംഗൻ രജിസ്ട്രാർ ഡോ പി അജിത് കുമാർ, ലോ സ്കൂൾ ഡീൻ അനിൽ ജി വാര്യത്ത് എന്നിവർ ചടങ്ങിൽ സംസാരിച്ചു.