ഒഡീഷയില്‍ ഡോക്ടര്‍ രണ്ട് രോഗികളെ പീഡിപ്പിച്ചതായി പരാതി; കേസെടുത്ത് പൊലീസ്‌

കട്ടക്ക്: ഒഡീഷയില്‍ ഡോക്ടര്‍ രണ്ട് രോഗികളെ പീഡിപ്പിച്ചതായി പരാതി. കട്ടക്കിലെ എസ്‌സിബി മെഡിക്കൽ കോളേജില്‍ രണ്ട് സ്ത്രീ രോഗികളെ ബലാത്സംഗം ചെയ്ത സംഭവത്തിൽ ഡോക്ടർക്കെതിരെ കേസെടുത്തതായി പൊലീസ് അറിയിച്ചു.

ഞായറാഴ്ച സ്ത്രീകൾ എക്കോകാർഡിയോഗ്രാം പരിശോധനയ്ക്കായി ആശുപത്രിയിലെ കാർഡിയോളജി വിഭാഗത്തിൽ എത്തിയപ്പോഴായിരുന്നു സംഭവം. 

രോഗികളിൽ നിന്ന് മംഗലാബാഗ് പൊലീസ് സ്റ്റേഷനിൽ രേഖാമൂലം പരാതി ലഭിച്ചിട്ടുണ്ടെന്നും കേസ് രജിസ്റ്റർ ചെയ്തിട്ടുണ്ടെന്നും കട്ടക്ക് അഡീഷണൽ ഡെപ്യൂട്ടി പൊലീസ് കമ്മീഷണർ (എഡിസിപി) അനിൽ മിശ്ര പറഞ്ഞു.

റസിഡൻ്റ് ഡോക്ടർക്കെതിരായ ആരോപണങ്ങൾ അന്വേഷിക്കാൻ ആരോഗ്യ കുടുംബക്ഷേമ വകുപ്പ് മൂന്നംഗ അന്വേഷണ സമിതിയെ നിയോഗിച്ചു. രോഗികളുടെ ചില ബന്ധുക്കൾ പ്രതിയെ മർദിച്ചതായി റിപ്പോർട്ടുണ്ട്. എന്നാൽ ഇക്കാര്യത്തിൽ പോലീസിന് ഔപചാരികമായ പരാതിയൊന്നും ലഭിച്ചിട്ടില്ലെന്ന് മിശ്ര പറഞ്ഞു.