മംഗളൂരു: ദുബായ്-മംഗളൂരു എയർ ഇന്ത്യ എക്സ്പ്രസ് വിമാനത്തിൽ ജീവനക്കാരോട് മോശമായി പെരുമാറിയ കണ്ണൂര് സ്വദേശി അറസ്റ്റില്. മുഹമ്മദ് ബി.സി. എന്നയാളാണ് പിടിയിലായത്. വിമാനത്തില് നിന്ന് കടലിലേക്ക് ചാടുമെന്നും ഇയാള് ഭീഷണിപ്പെടുത്തിയെന്നാണ് റിപ്പോര്ട്ട്.
എയർ ഇന്ത്യ എക്സ്പ്രസിൻ്റെ സുരക്ഷാ കോ-ഓർഡിനേറ്റർ സിദ്ധാർത്ഥ ദാസ് ഇയാള്ക്കെതിരെ പരാതി നല്കി. തുടർന്ന് വിമാനം മംഗളൂരുവിൽ ലാൻഡ് ചെയ്തപ്പോൾ എയർപോർട്ട് സെക്യൂരിറ്റി പിടികൂടി പൊലീസിന് കൈമാറി. മെയ് എട്ടിനാണ് സംഭവം നടന്നതെന്നാണ് റിപ്പോര്ട്ട്.