/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/01/03/gopalkrishnan-2026-01-03-15-09-18.jpg)
കൊച്ചി: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ പിന്തുണച്ച് ബിജെപി നേതാവ് ബി ഗോപാലകൃഷ്ണന്.
വെള്ളാപ്പള്ളി നടേശനെ കരി ഓയില് ഒഴിച്ച് ആക്രമിക്കുന്നവര്ക്ക് പണവും അവാര്ഡും നല്കും എന്ന യൂത്ത് കോണ്ഗ്രസ് നേതാവ് മലപ്പുറം ജില്ലാ പ്രസിഡന്റ് ഹാരിസ് മുതുരിനുള്ള മറുപടിയായാണ് ബിജെപി നേതാവ് രംഗത്തെത്തിയത്.
എത്ര മതേതര മുഖം മൂടി അണിഞ്ഞാലും ഉള്ളില് ഉള്ള ജിഹാദിത്തരം അറിയാതെ പുറത്തേക്ക് വരുന്നതിന്റെ തെളിവാണ് യൂത്ത് കോണ്ഗ്രസ് നേതാവിന്റെ പ്രതികരണം.
അമ്പലം കൊള്ളക്കാരായ കമ്മ്യൂണിസ്റ്റുകളെക്കാള് 100 ഇരട്ടി വീര്യമുള്ള ഉഗ്ര വിഷം ആണ് പൊളിറ്റിക്കല് ഇസ്ലാമിന്റെ പിന്തുണയോടെ അധികാരത്തില് എത്താന് ശ്രമിക്കുന്ന യുഡിഫ് എന്ന വര്ഗീയ മുന്നണിയെന്നും ബി ഗോപാലകൃഷ്ണന് ഫെയ്സ്ബുക്ക് പോസ്റ്റില് പറയുന്നു.
കേരളത്തിലെ ഹൈന്ദവ സമൂഹത്തിലെ ഏതാണ്ട് 23 ശതമാനം വരുന്ന പ്രധാനപെട്ട വിഭാഗം ആണ് ഈഴവ/തിയ്യ വിഭാഗം.
ആ വിഭാഗങ്ങള് ഉള്കൊള്ളുന്ന എസ്എന്ഡിപിയുടെ അനിഷേധ്യനായ നേതാവാണ് വെള്ളാപ്പള്ളി നടേശന്.
അതുകൊണ്ട് വിരട്ടല് ഭീഷണി ഒന്നും ഇങ്ങോട്ട് ഇറക്കരുതെന്നും ബിജെപി നേതാവ് പറയുന്നു. കേരളത്തില് ബിജെപി അധികാരത്തില് വരണം എന്നതിന്റെ ഉത്തരമാണ് ഇത്തരം പ്രതികരണങ്ങളെന്നുമാണ് ബിജെപി നേതാവിന്റെ അഭിപ്രായം.