ഐഎഎസ് തലപ്പത്തെ ചേരിപ്പോരും, മതാടിസ്ഥാനത്തിലുള്ള വാട്‌സാപ്പ് ഗ്രൂപ്പും, എന്‍. പ്രശാന്തിനും, കെ. ഗോപാലകൃഷ്ണനും സസ്‌പെന്‍ഷന്‍

തിരുവനന്തപുരം: കൃഷിവകുപ്പ്‌ സ്‌പെഷ്യൽ സെക്രട്ടറി എൻ. പ്രശാന്തിനും വ്യവസായ ഡയറക്ടർ കെ. ഗോപാലകൃഷ്‌ണനും സസ്പെൻഷൻ.   അഡീഷണൽ ചീഫ് സെക്രട്ടറി എ.ജയതിലകിന് എതിരെ സമൂഹമാധ്യമത്തിലൂടെ അധിക്ഷേപം നടത്തിയതിനാണ് പ്രശാന്തിന് സസ്‌പെന്‍ഷന്‍ ലഭിച്ചത്.

മലയാളികളായ ഹിന്ദു ഐഎഎസ് ഉദ്യോഗസ്ഥരുടെ വാട്സാപ് ഗ്രൂപ്പ് നിർമിച്ചതിനാണ് ഗോപാലകൃഷ്ണനെതിരെ നടപടിയെടുത്തത്. മൊബൈൽ ഹാക്ക് ചെയ്തെന്നായിരുന്നു ഗോപാലകൃഷ്ണൻ്റെ വാദം. എന്നാല്‍ പൊലീസ് അന്വേഷണത്തില്‍ ഈ വാദം പൊളിഞ്ഞു.

ഇരുവർക്കുമെതിരെ കടുത്ത നടപടി ആവശ്യപ്പെട്ട് ചീഫ് സെക്രട്ടറി ശാരദ മുരളീധരൻ മുഖ്യമന്ത്രിക്ക് റിപ്പോര്‍ട്ട് നല്‍കിയിരുന്നു.