വിഡി സതീശൻ്റെ തട്ടകത്തിൽ ബിജെപിയുടെ വൻ നീക്കം. പറവൂർ സീറ്റ് ബിഡിജെഎസിൽ നിന്നും ഏറ്റെടുക്കാനും ബിജെപിയിൽ ആലോചന, പറവൂർ നഗരസഭാ മുൻ ചെയർപേഴ്സൺ വത്സല പ്രസന്നകുമാർ ബിജെപിയിൽ

തിരുവനന്തപുരം: കെപിസിസി മുന്‍ ജനറല്‍ സെക്രട്ടറിയും പറവൂര്‍ മുന്‍സിപ്പാലിറ്റി മുന്‍ ചെയര്‍പേഴ്സണുമായ  വത്സല പ്രസന്നകുമാർ ബിജെപിയിൽ ചേർന്നു.

സംസ്ഥാന അധ്യക്ഷൻ രാജീവ് ചന്ദ്രശേഖര്‍ ഷാള്‍ അണിയിച്ച് വത്സല പ്രസന്നകുമാറിനെ ബിജെപിയിലേക്ക്  സ്വീകരിച്ചു.

പ്രധാനമന്ത്രി  നരേന്ദ്ര മോദി നേതൃത്വം നൽകുന്ന  സര്‍ക്കാരിന്റെ ജനക്ഷേമ പദ്ധതികളും സ്ത്രീ ശാക്തീകരണ നിലപാടുകളുമാണ് തന്നെ ബിജെപിയിലേക്ക് ആകര്‍ഷിച്ചതെന്ന് വത്സല പ്രസന്നകുമാര്‍ പറഞ്ഞു. 

ചടങ്ങില്‍ ബിജെപി സംസ്ഥാന ജനറല്‍ സെക്രട്ടറി അഡ്വ എസ് സുരേഷ്, എന്‍ഡിഎ വൈസ് ചെയര്‍മാന്‍  എ എന്‍ രാധാകൃഷ്ണന്‍, ബ്രഹ്മ രാജ് തുടങ്ങിയ മുതിര്‍ന്ന നേതാക്കള്‍ പങ്കെടുത്തു.

പറവൂർ സീറ്റ് ഇത്തവണ ബിജെപി ഏറ്റെടുക്കുന്നതിന് സാധ്യതയുണ്ട്. കഴിഞ്ഞ നിയമസഭാ തെരഞ്ഞെടുപ്പിൽ ബി ഡി ജെ എസാണ് പറവൂരിൽ മത്സരിച്ചത്. പ്രതിപക്ഷ നേതാവ് വിഡി സതീശൻ്റെ മണ്ഡലമായ ഇവിടെ ശക്തനായ സ്ഥാനാർത്ഥിയെ രംഗത്തിറക്കാനാണ് ബിജെപി യിൽ ആലോചന