നെതര്‍ലന്‍ഡ്‌സില്‍ ഒരു സ്ത്രീയുടെ ശരീരത്തിലെ പിന്‍ഭാഗത്തായി കണ്ടെത്തിയത മാംസം ഭക്ഷിക്കുന്ന ബാക്ടീരിയ. യുവതി പോലുമറിയാതെ അല്‍പ്പാല്‍പ്പമായാണ് ബാക്ടീരിയ ഭക്ഷിച്ചത്. ഇതെങ്ങനെയെന്ന് ഇനിയും വ്യക്തമായിട്ടില്ല. ഒരുപക്ഷെ, ആഴത്തില്‍ വേരിറങ്ങിയ രോമത്തിന്റെ രോമകൂപത്തിലൂടെയോ മറ്റോ ആകാമെന്ന് കരുതുന്നത്.
പനിയും നടക്കാനുള്ള പ്രയാസവും ശരീരവേദനയും ജലദോഷവുമെല്ലാമായിരുന്നു ലക്ഷണം. ഒടുവില്‍ കുഴഞ്ഞുവീണതോടെ ഭര്‍ത്താവും ബന്ധുക്കളും ചേര്‍ന്ന് ആശുപത്രിയിലെത്തിക്കുകയായിരുന്നു. ഡോക്ടര്‍മാരാണ് സ്ത്രീയുടെ പൃഷ്ടഭാഗത്തായി കറുത്ത നിറത്തില്‍ ഒരു മുഴ പോലുള്ള രൂപം ശ്രദ്ധിച്ചത്. ഇതോടെ ഇത് മാംസം ഭക്ഷിക്കുന്ന ബാക്ടീരിയയുടെ ആക്രമണമാാമെന്ന സംശയമുണ്ടായി.
തുടര്‍ന്ന് മൂന്ന് സര്‍ജറി നടത്തുകയായിരുന്നു. പൃഷ്ടഭാഗത്ത് 20 സെന്റിമീറ്റര്‍ ആഴത്തിലായിരുന്നു മുറിവ്. ഇത്രയും ഭാഗത്തെ മാംസം ബാക്ടീരിയകള്‍ ഭക്ഷിച്ചാണ് മുറിവുണ്ടായിരിക്കുന്നത്. 9 ദിവസത്തോളം ഇവര്‍ കോമയിലായിരുന്നു. ജീവിതത്തിലേക്ക് തിരിച്ചുവന്നെങ്കിലും ഏറെ നാള്‍ മാനസികവും ശാരീരികവുമായി അബ്‌നോര്‍മലായിരുന്നു.
അപൂര്‍വമായ കേസായതിനാല്‍ ഇവരുടെ അസുഖത്തിന്റെ വിശദാംശങ്ങള്‍ പഠനവിധേയമാക്കുന്നതിന്റെ ഭാഗമായി പങ്കുവയ്ക്കപ്പെട്ടതോടെയാണ് സംഭവം വാര്‍ത്തകളില്‍ ഇടംപിടിച്ചത്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/5s5MPSU8Uu8VrXPuRujw.jpg)