മസ്കത്ത്: കോവിഡ് ബാധിച്ച് ചികിത്സയിലിരുന്ന മലയാളി ഒമാനിൽ മരിച്ചു. കൊല്ലം അഞ്ചൽ ഇടമുളയ്ക്കൽ കൈപ്പള്ളി ജങ്ഷൻ സ്വദേശി വിജയനാഥ് വിശ്വനാഥ് (68) ആണ് മരണപ്പെട്ടത്. ഞായറാഴ്ച ഉച്ചയോടെയാണ് ആരോഗ്യ മന്ത്രാലയം മരണവിവരം സ്ഥിരീകരിച്ചത്.
റോയൽ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലായിരുന്നു. മസ്കത്തിൽ വാദികബീറിൽ താമസിക്കുന്ന മകനെ സന്ദർശിക്കാനെത്തിയതായിരുന്നു. ഇടമുളയ്ക്കൽ പഞ്ചായത്ത് പ്രസിഡന്റെ രവീന്ദ്രനാഥിന്റെ ജ്യേഷ്ഠനാണ് മരണപ്പെട്ട വിജയനാഥ്. ഒമാനിലെ 44ാമത്തെ കോവിഡ് മരണമാണിത്.