മസ്ക്കത്ത്: ഒമാനിൽ പുതുതായി 48 പേർക്ക് കൂടി കോവിഡ് സ്ഥിരീകരിച്ചു. രാജ്യത്തെ രോഗബാധിതരുടെ എണ്ണം 419 ആയി ഉയർന്നു. രോഗമുക്തി നേടിയവരുടെ എണ്ണത്തിലും വർധനവുണ്ടെന്ന് ബുധനാഴ്ച ആരോഗ്യമന്ത്രാലയം പുറത്തുവിട്ട ഔദ്യോഗിക റിപ്പോർട്ടിൽ പറയുന്നു .
ഇന്ന് രോഗം സ്ഥിരീകരിച്ച 48 ൽ 41 പേരും മസ്കത്ത് മേഖലയിലാണ്. ഇതുവരെ ഒമാനിൽ രണ്ട് പേർ മരണപ്പെട്ടതായാണ് റിപ്പോർട്ട്. രോഗമുക്തി നേടിയവരുടെ എണ്ണം 72 ആണ്.
അതിനിടെ ഒമാനിൽ 599 തടവുകാർക്ക് മാപ്പുനൽകി. വിവിധ കേസുകളിൽ ശിക്ഷയനുഭവിക്കുന്ന തടവുകാർക്കാണ് ഒമാൻ രാജാവ് സുൽത്താൻ ഹൈതം ബിൻ താരിഖ് അൽ സഈദ് മാപ്പ് നൽകിയത്. ഇതിൽ 336 പേർ വിദേശികളാണ്.