യുഎസ് പ്രസിഡന്റ് തെരഞ്ഞെടുപ്പ്: നിക്കി ഹാലി പിൻമാറി, റിപ്പബ്ലിക്കൻ പാർട്ടിയിൽ മേധാവിത്വം ഉറപ്പിച്ച് ട്രംപ്; മത്സരം ട്രംപും ബൈഡനും തമ്മിലെന്നത് ഉറപ്പായി

വാഷിങ്ടൺ: യു.എസ് പ്രസിഡന്റ് സ്ഥാനാർഥിത്വ മത്സരത്തിൽനിന്ന് മുന്‍ യുഎസ് അംബാസിഡറും റിപ്പബ്ലിക്കൻ നേതാവുമായ നിക്കി ഹാലി പിൻമാറി. ഇതോടെ മുൻ പ്രസിഡന്റ് ഡോണൾഡ് ട്രംപിന് റിപ്പബ്ലിക്കൻ പാർട്ടി സ്ഥാനാർഥി ആകും.

സൂപ്പർ ചൊവ്വയിൽ ഡെമോക്രാറ്റിക് പാർട്ടിയിൽ ​ ബൈഡനാണ് ആധിപത്യം. ഇതോടെ യു.എസ് പ്രസിഡന്റ് മത്സരം ട്രംപും ബൈഡനും തമ്മിലാണെന്നത് ഉറപ്പായി. 

സൂപ്പർ ചൊവ്വയിലെ പരാജയമാണ് നിക്കി ഹാലിക്ക് തിരിച്ചടിയായത്. എന്നാൽ വാഷിങ്ടൺ ഡി.സിയിലെ മത്സരത്തിൽ നിക്കി ഹാലി ട്രംപിനെ അട്ടിമറിച്ചിരുന്നു. നവംബറിലാണ് യു.എസ് പ്രസിഡന്റ് തെരഞ്ഞെടുപ്പ്.